കസ്റ്റംസ് രജിസ്റ്റർ ചെയ്ത കേസിൽ എം ശിവശങ്കറിന്റെ ജാമ്യാപേക്ഷ കോടതി ഇന്ന് പരിഗണിക്കും

തിരുവനന്തപുരം സ്വർണക്കടത്തുമായി ബന്ധപ്പെട്ട് എം ശിവശങ്കറിനെതിരെ കസ്റ്റംസ് രജിസ്റ്റർ ചെയ്ത കേസിൽ ശിവശങ്കർ സമർപ്പിച്ച ജാമ്യാപേക്ഷ കോടതി ഇന്ന് പരിഗണിക്കും. എറണാകുളം സാമ്പത്തിക കുറ്റാന്വേഷണ കോടതിയാണ് ജാമ്യാപേക്ഷ പരിഗണിക്കുക.

അതേസമയം, ശിവശങ്കറിന്റെ ജാമ്യാപേക്ഷ എതിർത്തുകൊണ്ട് കസ്റ്റംസ് നേരത്തെ തന്നെ രംഗത്ത് വന്നിരുന്നു. ശിവശങ്കറിനെതിരെ സ്വർണക്കടത്തിൽ ശക്തമായ തെളിവുണ്ടെന്ന് കസ്റ്റംസ് എതിർ സത്യവാങ് മൂലത്തിലൂടെ കോടതിയെ അറിയിച്ചു. കേസിൽ ശക്തമായ വാദ പ്രതിവാദങ്ങൾക്കൊടുവിലായിരിക്കും കോടതി വിധി പറയുക.