യുഎഇയില്‍ 1501 പേര്‍ക്ക് കൂടി കൊവിഡ്; മൂന്ന് മരണം

യുഎഇയില്‍ തിങ്കളാഴ്ച 1501 പേര്‍ക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്ത് ഇതുവരെ സ്ഥിരീകരിച്ച കൊവിഡ് കേസുകളുടെ എണ്ണം 2,14,732 ആയി. 1746 പേര്‍ രോഗമുക്തി നേടി. 1,91,455 പേരാണ് ഇതുവരെ രാജ്യത്ത് രോഗമുക്തരായത്. മൂന്ന് കൊവിഡ് മരണങ്ങളാണ് രാജ്യത്ത് കഴിഞ്ഞ 24 മണിക്കൂറിനിടെ റിപ്പോര്‍ട്ട് ചെയ്തത്. രാജ്യത്ത് 682 പേരാണ് ഇതുവരെ കൊവിഡ് ബാധിച്ച് മരിച്ചത്. കഴിഞ്ഞ 24 മണിക്കൂറിനിടെ 1,16,687 കൊവിഡ് പരിശോധനകള്‍ നടത്തി. നിലവില്‍ 22,595 പേരാണ് രാജ്യത്ത് കൊവിഡ് ബാധിച്ച് ചികിത്സയില്‍ തുടരുന്നത്.