ആകെ 35 പ്രതികൾ; സന്ദീപ് നായർ മാപ്പ് സാക്ഷി; സ്വർണക്കടത്ത് കേസിൽ എൻഐഎ കുറ്റപത്രം സമർപ്പിച്ചു

സ്വർണക്കടത്ത് കേസിൽ എൻഐഎ കുറ്റപത്രം സമർപ്പിച്ചു. കൊച്ചി എൻഐഎ യൂണിറ്റാണ് കുറ്റപത്രം സമർപ്പിച്ചത്. എൻഐഎ പ്രത്യേക കോടതിയിലാണ് കുറ്റപത്രം സമർപ്പിച്ചത്.

ആകെ കേസിൽ 35 പ്രതികളാണ് ഉള്ളത്. എൻഐഎ അറസ്റ്റ് ചെയ്തത് 21 പേരെയാണ്. 20 പേർക്കെതിരെ കുറ്റപത്രം സമർപ്പിച്ചു. ഫൈസൽ ഫരീദടക്കം പിടിയിലാകാനുണ്ട്. യുഎപിഎ 15,16,17 വകുപ്പുകൾ പ്രതികൾക്കെതിരെ ചുമത്തി. കുറ്റപത്രത്തിൽ സന്ദീപ് നായർ മാപ്പ് സാക്ഷിയായി.

രാജ്യത്തിന്റെ സാമ്പത്തിക ഭദ്രത തകർക്കാൻ പ്രതികൾ ഗൂഢാലോചന നടത്തിയെന്ന് കിറ്റപത്രത്തിൽ പറയുന്നു. രാജ്യത്തിന്റെ സുരക്ഷ, കെട്ടുറപ്പ്, അഖണ്ഡത എന്നിവ തകർക്കാൻ പ്രതികൾ ശ്രമിച്ചു. പ്രതികൾ ഭീകരവാദ പ്രവർത്തനത്തിനായി ഫണ്ട് ശേഖരണം നടത്തിയെന്നും കുറ്റപത്രത്തിൽ പറയുന്നു.