തിരുവനന്തപുരത്ത് വിജയസാധ്യതയുണ്ടായിരുന്ന വാർഡുകളിലെ തോൽവി പരിശോധിക്കാൻ സിപിഐഎം തീരുമാനം

തിരുവനന്തപുരത്ത് വിജയസാധ്യതയുണ്ടായിരുന്ന വാർഡുകളിലെ തോൽവി പരിശോധിക്കാൻ സിപിഎം തീരുമാനം. സംസ്ഥാന സെക്രട്ടേറിയറ്റ് അംഗങ്ങൾ പങ്കെടുത്ത് തോൽവിയുണ്ടായ വാർഡുകളിൽ കമ്മിറ്റികൾ ചേരും.

മേയർ സ്ഥാനാർഥികളായി പരിഗണിച്ചിരുന്ന എ.ജി ഒലീന, എസ് പുഷ്പലത എന്നിവരുടെ വാർഡുകളിലെ തോൽവി, വർക്കല മുനിസിപ്പാലിറ്റിയിൽ ബിജെപിക്ക് നേട്ടമുണ്ടായത് എന്നിവയാണ് പ്രധാനമായും പരിശോധിക്കുക. കിളിമാനൂർ ജില്ലാ പഞ്ചായത്ത് ഡിവിഷനിലെ തോൽവിയും നെയ്യാറ്റിൻകര മുനിസിപ്പാലിറ്റിയിൽ യുഡിഎഫിനുണ്ടായ നേട്ടവും പരിശോധനക്ക് വിധേയമാക്കും. കോടിയേരി ബാലകൃഷ്ണൻ പങ്കെടുത്ത ജില്ലാകമ്മിറ്റി യോഗത്തിലാണ് തീരുമാനം.