ലോകത്തിലെ ദൈർഘ്യമേറിയ വ്യോമപാത താണ്ടി വനിതാ പൈലറ്റുമാർ

ഉത്തരധ്രുവത്തിനു മുകളിലൂടെ ലോകത്തിലെ ഏറ്റവും ദൈർഘ്യമേറിയ വ്യോമപാത താണ്ടി വനിതാ പൈലറ്റുമാർ. എയർ ഇന്ത്യയുടെ വനിതാ പൈലറ്റുമാരായ സോയ അഗർവാൾ, ക്യാപ്റ്റന്മാരായ തന്മയ് പപ്പാഗരി, ആകാൻഷ സോനാവാനെ, ശിവാനി മൻഹാസ് എന്നിവരടങ്ങുന്ന സംഘമാണ് ചരിത്ര നേട്ടം കൈവരിച്ചത്.

ഉത്തരധ്രുവത്തിലൂടെ 16,000 കിലോമീറ്റർ യാത്ര ചെയ്താണ് ഇവർ ചരിത്ര നേട്ടം കുറിച്ചത്. ബോയിംഗ് 777 വിമാനത്തിൽ ശനിയാഴ്ചയാണ് യാത്രയ്ക്ക് തുടക്കം കുറിച്ചത്. സാൻ ഫ്രാൻസിസ്‌കോയിൽ നിന്ന് ബെംഗലൂരുവരെയായിരുന്നു യാത്ര.