‘ഓപ്പറേഷന് സ്ക്രീന്’ ഇന്ന് മുതല്; വാഹനങ്ങളിലെ ഗ്ലാസുകള് കര്ട്ടന്, കൂളിംഗ് ഫിലിം തുടങ്ങിയവ ഉപയോഗിച്ച് മറച്ചിരിക്കുന്നവര്ക്കെതിരെ കര്ശന നടപടി
വാഹനങ്ങളിലെ ഡോര് ഗ്ലാസുകളും, വിന്ഡ് ഷീല്ഡ് ഗ്ലാസുകളും കര്ട്ടന്, ഫിലിം, മറ്റു വസ്തുക്കള് എന്നിവ ഉപയോഗിച്ച് മറയ്ക്കുന്നതിനെതിരെ കര്ശന നടപടികള് സ്വീകരിക്കാന് മോട്ടോര് വാഹന വകുപ്പ്. ‘ഓപ്പറേഷന് സ്ക്രീന്’ എന്ന പേരിലാണ് പരിശോധനകള്. മോട്ടോര് വാഹന നിയമങ്ങളുടെയും ചട്ടങ്ങളുടെയും അടിസ്ഥാനത്തില് ഇത്തരം വാഹനങ്ങള്ക്കെതിരെ നടപടികള് സ്വീകരിക്കാന് സുപ്രിം കോടതിയും ഹൈക്കോടതിയും കര്ശന നിര്ദ്ദേശം നല്കിയതിനെ തുടര്ന്നാണ് നടപടി.
നിയമലംഘനങ്ങളില് പെടുന്ന സര്ക്കാര്, അര്ദ്ധ സര്ക്കാര്, സ്വകാര്യ വാഹനങ്ങള്ക്കെതിരെ ഇന്ന് മുതല് ശക്തമായ നിയമനടപടികള് സ്വീകരിക്കും. വാഹനം നിര്ത്താതെ തന്നെ ഇലക്ട്രോണിക് ചെലാന് (E -challan) സംവിധാനത്തിലൂടെ പരമാവധി വാഹനങ്ങള്ക്കെതിരെ കേസെടുക്കാന് കഴിയും. മുന്പ് കേസെടുത്തിട്ടും വീണ്ടും ഇത്തരം നിയമലംഘനങ്ങള് ആവര്ത്തിക്കുന്നവരെ ഇ – ചെലാന് സംവിധാനത്തിലൂടെ എളുപ്പം മനസ്സിലാക്കാന് സാധിക്കും.
ഗ്ലാസില് നിന്നും ഫിലിം, കര്ട്ടന് എന്നിവ നീക്കാന് വിസമ്മതിക്കുന്നവരുടെ വാഹനങ്ങളുടെ രജിസ്ട്രേഷന് റദ്ദാക്കാന് ഉള്ള നടപടികള് സ്വീകരിക്കുകയും, കൂടാതെ അത്തരം വാഹനങ്ങളെ ബ്ലാക്ക് ലിസ്റ്റ് ചെയ്യുന്നതിനുള്ള നടപടികള് സ്വീകരിക്കുമെന്നും ട്രാന്സ്പോര്ട്ട് കമ്മീഷണര് അറിയിച്ചു.
Story Highlights – motor vehicle department – Operation Screen
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here