Advertisement

‍ഡൽഹി സ്ഫോടനം: രാജ്യത്ത് ജാ​ഗ്രതാ നിർദേശം

January 29, 2021
Google News 1 minute Read

ഡൽഹിയിൽ ഇസ്രായേൽ എംബസിക്ക് സമീപം സ്ഫോടനം ഉണ്ടായ പശ്ചാത്തലത്തിൽ രാജ്യത്ത് ജാ​ഗ്രതാ നിർദേശം. വിമാനത്താവളങ്ങൾ, പ്രമുഖ സ്ഥാപനങ്ങൾ, സർക്കാർ ഓഫിസുകൾ ഉൾപ്പെടെ ജാ​ഗ്രത പാലിക്കണമെന്നാണ് നിർദേശം. സുരക്ഷ ശക്തമാക്കാൻ നടപടി സ്വീകരിച്ചതായി സിഐഎസ്എഫ് അറിയിച്ചു.

സെൻട്രൽ ഡൽഹിയിലാണ്​ ഇ​സ്രായേൽ എംബസി സ്​ഥിതി ചെയ്യുന്നത്​. എംബസി കെട്ടിടത്തിന് 50 കിലോമീറ്റർ അകലെയുള്ള നടപ്പാതയിലാണ് സ്‌ഫോടനം നടന്നത്​. ഇവിടെയുണ്ടായിരുന്ന അഞ്ച് കാറുകൾക്ക്​ കേടുപാട്​ സംഭവിച്ചു. സ്ഫോടനത്തിൽ ആർക്കും പരുക്കില്ലെന്ന് പൊലീസ് അറിയിച്ചു. സുരക്ഷയുടെ ഭാ​ഗമായി സ്ഥലത്ത് പൊലീസുകാരെ വിന്യസിച്ചിട്ടുണ്ട്​. അബ്​ദുൽ കലാം റോഡ്​ പൊലീസ്​ ബാരിക്കേഡുകൾ ഉപയോഗിച്ച്​ അടക്കുകയും ചെയ്​തു. സൈനികരുടെ ബീറ്റിം​ഗ് ദി റിട്രീറ്റ്​ ചടങ്ങ്​ നടക്കുന്ന വിജയ ചൗക്കിൽ നിന്ന്​ രണ്ട് കിലോമീറ്റർ അകലെയാണ് സ്‌ഫോടനം നടന്നത്. ഏറെ സുരക്ഷാ പ്രാധാന്യമുള്ള മേഖലയാണിത്.

Story Highlights – Delhi blast

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here