ഇസ്രായേൽ എംബസിക്ക് സമീപം സ്ഫോടനത്തിന് ഉപയോ​ഗിച്ചത് ഉ​ഗ്രശേഷിയുള്ള സ്ഫോടക വസ്തു

ഡൽഹിയിൽ ഇസ്രായേൽ എംബസിക്ക് സമീപം സ്ഫോടനത്തിന് ഉപയോ​ഗിച്ച സ്ഫോടക വസ്തു തിരിച്ചറിഞ്ഞു. ഉ​​ഗ്ര സ്ഫോടക ശേഷിയുള്ള പിഇടിഎൻ (പെന്റാ എറിത്രിറ്റോൾ ടെട്രാ നൈട്രേറ്റ്) ഉപയോ​ഗിച്ചാണ് സ്ഫോടനം നടത്തിയത്. ഒ​ൻ​പ​ത് വാ​ട്ട് ഹൈ​വാ​ട്ട് ബാ​റ്റ​റി​യും ക​ണ്ടെ​ടു​ത്തു.

കേ​സ് അ​ന്വേ​ഷി​ച്ച പ്ര​ത്യേ​ക അ​ന്വേ​ഷ​ണ സം​ഘ​മാ​ണ് ഇ​ത് ക​ണ്ടെ​ത്തി​യ​ത്. അ​ൽ​ഖ്വ​യ്ദ ഉ​ൾ​പ്പ​ടെ​യു​ള്ള ഭീ​ക​ര​സം​ഘ​ട​ന​ക​ൾ ഉ​പ​യോ​ഗി​ച്ചി​ട്ടു​ള്ള സ്ഫോ​ട​ക വ​സ്തു​വാ​ണി​ത്. സം​ഭ​വ​ത്തി​ൽ ഐ​എ​സ്, അ​ൽ​ഖ്വ​യ്ദ ബ​ന്ധ​വും അ​ന്വേ​ഷ​ണ സം​ഘം അ​ന്വേ​ഷി​ക്കു​ന്നു​ണ്ട്.

അതേസമയം സ്ഫോടനവുമായി ബന്ധപ്പെട്ട ചോദ്യം ചെയ്യൽ നടപടികൾ ഡൽഹി പൊലീസ് വ്യാപിപ്പിച്ചു. വിസാ കാലവധി കഴിഞ്ഞ് രാജ്യത്ത് തങ്ങിയ ഇറാൻ പൗരന്മാരെ ചോദ്യം ചെയ്തെങ്കിലും ഇവർക്ക് സ്ഫോടനവുമായി ബന്ധമില്ലെന്നാണ് പ്രാഥമിക നിരീക്ഷണം. സംഭവവുമായി ബന്ധപ്പെട്ട എൻ.ഐ.എ, എൻ.എസ്.ജി, മിലിറ്ററി ഇന്റലിജൻസ് വിഭാഗങ്ങൾ സംയുക്ത യോഗം ചേർന്ന് സാഹചര്യങ്ങൾ അവലോകനം ചെയ്തു.

വെ​ള്ളി​യാ​ഴ്ച വൈ​കി​ട്ടാ​ണ് ഇ​സ്രാ​യേ​ല്‍ എം​ബ​സി​ക്ക് സ​മീ​പം തീ​വ്ര​ത കു​റ​ഞ്ഞ സ്‌​ഫോ​ട​നം ഉ​ണ്ടാ​യ​ത്. സം​ഭ​വ​ത്തി​ൽ ആ​ള​പാ​യ​മി​ല്ല. പ​കു​തി ക​രി​ഞ്ഞ നി​ല​യി​ൽ പി​ങ്ക് നി​റ​ത്തി​ലു​ള്ള സ്‌​കാ​ർ​ഫും ഇ​സ്രാ​യേ​ൽ അം​ബാ​സി​ഡ​ർ​ക്കെ​ന്ന പേ​രി​ലു​ള്ള വി​ലാ​സം എ​ഴു​തി​യ ക​വ​റും സം​ഭ​വ സ്ഥ​ല​ത്ത് നി​ന്ന് ല​ഭി​ച്ചി​രു​ന്നു.