കിസാൻ മഹാപഞ്ചായത്ത്: ഉത്തർപ്രദേശിലെ ഷാംലി ജില്ലയിൽ നിരോധനാജ്ഞ പ്രഖ്യാപിച്ചു

കിസാൻ മഹാപഞ്ചായത്തിനെ നേരിടാൻ നിരോധനാജ്ഞയുമായ് ഉത്തർപ്രദേശ് സർക്കാർ. ഉത്തർപ്രദേശിലെ ഷാംലി ജില്ലയിൽ നിരോധനാജ്ഞ പ്രഖ്യാപിച്ചു.

രണ്ടു മാസത്തേക്കാണ് നിരോധനാജ്ഞ. മഹാശിവരാത്രി, ഹോളി, ദു:ഖവെള്ളി എന്നീ ആഘോഷങ്ങളുടെ പശ്ചാത്തലത്തിലും പത്ത്, പ്ലസ് 2 ക്ലാസുകളിലെ ബോർഡ് പരീക്ഷകൾ നടക്കുന്ന സാഹചര്യത്തിലുമാണ് തീരുമാനം. ആർഎൽഡി പാർട്ടി ഇന്ന് കിസാൻ മഹാപഞ്ചായത്ത് നടത്താൻ തീരുമാനിച്ചിരുന്നു. നിരോധനാജ്ഞ പ്രഖ്യാപിച്ച സാഹചര്യത്തിൽ കിസാൻ മഹാപഞ്ചായത്ത് ചേരാനും അനുവാദമില്ല.