സ്വർണവിലയിൽ ഇടിവ്; പവന് കുറഞ്ഞത് 200 രൂപ

സ്വർണവില വീണ്ടും കുറഞ്ഞു. പവന് 200 രൂപയാണ് കുറഞ്ഞത്. ഇതോടെ സ്വർണ വില പവന് 32,880 രൂപയായി. 4110 രൂപയാണ് ഗ്രാമിന്റെ വില. എട്ട് മാസത്തിനിടെ 9,120 രൂപയാണ് കുറഞ്ഞത്.

വിവിധ സംസ്ഥാനങ്ങളിലേയും, നഗരങ്ങളിലേയും നികുതി നിരക്കനുസരിച്ച് വിലയിലും വ്യത്യാസം വരും. പത്ത് ഗ്രാം സ്വർണത്തിന് (24 കാരറ്റ്) ഡൽഹിയിൽ 48,070 രൂപയും, മുംബൈയിൽ 43,980 രൂപയും, കൊൽക്കത്തയിൽ 46,920 രൂപയും, ബംഗളൂരുവിലും ഹൈദരാബാദിലും 45,490 രൂപയും, ചെന്നൈയിൽ 46,080 രൂപയും, പൂനെയിൽ 43,980 രൂപയും, അഹമ്മദാബാദിൽ 46,320 രൂപയുമാണ്. (ജിഎസ്ടി മറ്റ് ടാക്‌സുകൾ എന്നിവയൊഴിച്ചുള്ള വിലയാണ് നൽകിയിരിക്കുന്നത്).

Story Highlights: gold price dropped