Advertisement

ശബരിമല വിഷയം: മുഖ്യമന്ത്രിയോട് രണ്ട് ചോദ്യങ്ങളുമായി രമേശ് ചെന്നിത്തല

April 3, 2021
Google News 0 minutes Read

ശബരിമല വിഷയത്തില്‍ മുഖ്യമന്ത്രിയോട് രണ്ട് ചോദ്യങ്ങളുമായി പ്രതിപക്ഷ നേതാവ് രമേശ് ചെന്നിത്തല. ശബരിമലയില്‍ യുവതി പ്രവേശനം സാധ്യമാകത്തക്ക നിലയില്‍ നല്‍കിയ അഫിഡവിറ്റ് പിന്‍വലിക്കുമോ? ശബരിമലയുടെ കാര്യത്തില്‍ ചെയ്ത തെറ്റിന് മുഖ്യമന്ത്രി ജനങ്ങളോട് മാപ്പ് ചോദിക്കുമോ? എന്നും രമേശ് ചെന്നിത്തല ചോദിച്ചു. ഹരിപ്പാട് മാധ്യമങ്ങളെ കാണുകയായിരുന്നു രമേശ് ചെന്നിത്തല.

ശബരിമല വിഷയത്തില്‍ സര്‍ക്കാര്‍ നിലപാട് വ്യക്തമാക്കാതെ ഭക്തജനങ്ങളെ കബളിപ്പിക്കുകയാണ്. ശബരിമല വിഷയം ഈ തെരഞ്ഞെടുപ്പില്‍ ജനങ്ങള്‍ ചര്‍ച്ച ചെയ്യുന്ന ഒരു പ്രധാനപ്പെട്ട വിഷയമാണ്. എന്നാല്‍ തൃപ്തികരമായ മറുപടി ശബരിമലയുടെ കാര്യത്തില്‍ മുഖ്യമന്ത്രി പറയുന്നില്ല. പാര്‍ട്ടിയുടെ നിലപാട് എന്താണെന്ന് സീതാറാം യെച്ചൂരി പറഞ്ഞു. അതിന്‌ശേഷം മുഖ്യമന്ത്രി ഇതുവരെ തന്റെ നിലപാട് വ്യക്തമാക്കിയിട്ടില്ല. ശബരിമലയിലെ കോടികണക്കിന് വരുന്ന വിശ്വാസ സമൂഹത്തെ വേദനിപ്പിക്കുകയും വഞ്ചിക്കുകയും ചെയ്ത മുഖ്യമന്ത്രിയുടെ അതേ നിലപാട് ഇപ്പോഴും തുടരുകയാണെന്നും രമേശ് ചെന്നിത്തല പറഞ്ഞു.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here