തലശേരിയിൽ മനഃസാക്ഷി വോട്ടിന് ആഹ്വാനം ചെയ്ത് ബിജെപി

തലശേരിയിൽ മനഃസാക്ഷി വോട്ടിന് ആഹ്വാനം ചെയ്ത് ബിജെപി ജില്ലാ നേതൃത്വം. എൽഡിഎഫിനും യുഡിഎഫിനും ഒഴികെ ആർക്കും വോട്ട് ചെയ്യാമെന്നാണ് ബിജെപി കണ്ണൂർ ജില്ലാ പ്രസിഡന്റ് കെ. കെ വിനോദ് കുമാർ പറഞ്ഞത്.

തലശേരിയിൽ എൻഡിഎയ്ക്ക് സ്ഥാനാർത്ഥി ഇല്ലാത്ത സാഹചര്യത്തിലാണ് മനഃസാക്ഷി വോട്ട് ആഹ്വാനവുമായി ബിജെപി രംഗത്തെത്തിയത്. ഇന്ത്യൻ ഗാന്ധിയൻ പാർട്ടിയുടെ സ്വതന്ത്ര സ്ഥാനാർത്ഥി സി.ഒ.ടി നസീറിന് ബിജെപി പിന്തുണ പ്രഖ്യാപിച്ചിരുന്നെങ്കിലും സി.ഒ.ടി നസീർ തന്നെ ഇത് പിൻവലിച്ചിരുന്നു. ഇതിന് പിന്നാലെ ബിജെപിക്കെതിരെ ഗുരുതര ആരോപണവും സി.ഒ.ടി നസീർ ഉന്നയിച്ചിരുന്നു. സിപിഐഎം സമ്മർദത്തിന്റെ ഫലമായാണ് സി.ഒ.ടി നസീറിന്റെ പിന്മാറ്റമെന്നായിരുന്നു ബിജെപിയുടെ ആരോപണം.

Story Highlights: assembly election 2021, bjp