തൃശൂരിൽ ഇന്ന് 3282 പേർക്ക് കൊവിഡ്; 2161 പേർ രോഗമുക്തരായി

തൃശൂർ ജില്ലയിൽ ചൊവ്വാഴ്ച്ച 3282 പേർക്ക് കൂടി കൊവിഡ് സ്ഥിരീകരിച്ചു. 2161 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 52,231 ആണ്. തൃശൂർ സ്വദേശികളായ 84 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,87,794 ആണ്. 1,34,596 പേരെയാണ് ആകെ രോഗമുക്തരായി ഡിസ്ചാർജ്ജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി റേറ്റ് 23.34% ആണ്.

ജില്ലയിൽ ഇന്ന് സമ്പർക്കം വഴി 3257 പേർക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിന് പുറത്തുനിന്ന് എത്തിയ 11 പേർക്കും 9 ആരോഗ്യ പ്രവർത്തകർക്കും ഉറവിടം അറിയാത്ത 5 പേർക്കും രോഗബാധ ഉണ്ടായിട്ടുണ്ട്. രോഗ ബാധിതരിൽ 60 വയസ്സിനു മുകളിൽ പ്രായമുള്ള 224 പുരുഷൻമാരും 277 സ്ത്രീകളും പത്ത് വയസ്സിനു താഴെ പ്രായമുള്ള 118 ആൺകുട്ടികളും 77 പെൺകുട്ടികളുമുണ്ട്.

3,300 പേർ പുതിയതായി ചികിത്സയിൽ പ്രവേശിച്ചതിൽ 482 പേർ ആശുപത്രിയിലും 2818 പേർ വീടുകളിലുമാണ്. 14,064 സാമ്പിളുകളാണ് പരിശോധനയ്ക്ക് എടുത്തത്. ഇതിൽ 8,627 പേർക്ക് ആൻറിജൻ പരിശോധനയും 4,949 പേർക്ക് ആർടി-പിസിആർ പരിശോധനയും 488 പേർക്ക് ട്രുനാറ്റ്/സിബിനാറ്റ് പരിശോധനയുമാണ് നടത്തിയത്. ജില്ലയിൽ ഇതുവരെ ആകെ 15,33,048 സാമ്പിളുകളാണ് പരിശോധനയ്ക്ക് അയച്ചത്.

1,043 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നത്. ഇതുവരെ ആകെ 1,86,878 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നിട്ടുളളത്. 60 പേർക്ക് സൈക്കോ സോഷ്യ കൗൺസിലർമാർ വഴി കൗൺസിലിംഗ് നൽകി.

Story Highlights: 3282 covid cases in thrissur today