21
Jun 2021
Monday

കൂടുതൽ മൃതദേഹങ്ങൾ പുഴയിൽ; ബീഹാറിൽ ‘ഒഴുകുന്ന ശവശരീരങ്ങൾ’ 71 ആയി

Floating Corpses Count bihar

ഉത്തർപ്രദേശിലും ബീഹാറിലും പുഴയിൽ വലിച്ചെറിയപ്പെടുന്ന ശവശരീരങ്ങൾ വർധിക്കുന്നു. 71 മൃതദേഹങ്ങളാണ് ആകെ പുഴയിയിൽ നിന്ന് കണ്ടെടുത്തത്. അഞ്ച് മുതൽ ഏഴ് ദിവസം വരെ പഴക്കമുള്ള മൃതശരീരങ്ങളാണ് പുഴയിൽ വലിച്ചെറിയപ്പെട്ടതെന്ന് റിപ്പോർട്ടുകൾ സൂചിപ്പിക്കുന്നു. പുഴയിലേക്ക് ശവശരീരങ്ങൾ വലിച്ചെറിയുന്ന ആംബുലൻസ് ഡ്രൈവർമാരുടെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയാണ്.

ബീഹാറിലെ എംപി ജനാർധൻ സിംഗ് സിഗ്രിവാൾ ഇക്കാര്യം സൂചിപ്പിച്ചിട്ടുണ്ട്. ഉത്തർപ്രദേശ്-ബീഹാർ അതിർത്തിയിലെ ഒരു പാലത്തിൽ വച്ച് ആംബുലൻസ് ഡ്രൈവർ ശവശരീരങ്ങൾ പുഴയിലേക്ക് വലിച്ചെറിയുന്ന ദൃശ്യങ്ങളാണ് പ്രചരിച്ചത്. ആംബുലൻസ് ഡ്രൈവർമാർ ശവശരീരങ്ങൾ പുഴയിലേക്ക് വലിച്ചെറിയാതിരിക്കാൻ വേണ്ട നടപടികൾ എടുക്കണമെന്ന് ജില്ലാ ഭരണകൂടത്തോട് താൻ ആവശ്യപ്പെട്ടതായി ജനാർധൻ സിംഗ് പറഞ്ഞു.

രാത്രി മുഴുവനെടുത്ത് മൃതദേഹങ്ങൾ പുറത്തെടുക്കുകയും പോസ്റ്റ്മാർട്ടം നടത്തുകയും ചെയ്തിരുന്നു. അഴുകിത്തുടങ്ങിയതിനാൽ മരണകാരണവും വ്യക്തമായില്ല. മൃതദേഹങ്ങൾ കണ്ടെടുത്ത ബീഹാറിലെ ബുക്സർ നഗരാധികാരികൾ പറഞ്ഞു. മൃതദേഹങ്ങൾ തിരിച്ചറിയാൻ ഡിഎൻഎ സാമ്പിളുകൾ പരിശോധനയ്ക്ക് അയച്ചിട്ടുണ്ട് എന്നും അവർ അറിയിച്ചു. ശ്മശാനത്തിൽ എരിക്കാനുള്ള വിറകുകൾക്കുള്ള ഉയർന്ന വില കാരണമാണ് മൃതദേഹങ്ങൾ പുഴയിൽ വലിച്ചെറിഞ്ഞതെന്ന ആരോപണം അധികൃതർ തള്ളി. ദിവസേന 6 മുതൽ 8 മൃതദേഹങ്ങൾ വരെ ഇവിടെ സംസ്കരിക്കുന്നുണ്ട് എന്നും അവർ അറിയിച്ചു.

Story Highlights: Floating Corpses Count 71 in bihar

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top