ഡല്‍ഹി ജിടിബി ആശുപത്രി നഴ്സുമാരുടെ സമരം വിജയം; ആവശ്യങ്ങള്‍ അംഗീകരിച്ചു

നഴ്സസ് ദിനത്തില്‍ ഡല്‍ഹിയിലെ ആശുപത്രിയില്‍ നഴ്സുമാര്‍ നടത്തിയ സമരം വിജയം കണ്ടു. കൊവിഡ് ആശുപത്രിയായി പ്രവര്‍ത്തിക്കുന്ന ജിടിബി ആശുപത്രിയിലെ ജീവനക്കാരാണ് പ്രതിഷേധിച്ചത്.

ആവശ്യമായ സ്റ്റാഫുകളെ നിയമിക്കുക, ഡ്യൂട്ടി റോസ്റ്റര്‍ അപാകതകള്‍ പരിഹരിക്കുക, വിശ്രമം അനുവദിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രതിഷേധം. മുന്നോട്ടുവച്ച ആവശ്യങ്ങള്‍ നടപ്പാക്കുമെന്ന് ആശുപത്രി അധികൃതര്‍ ഉറപ്പ് നല്‍കിയതായി നഴ്സുമാര്‍ അറിയിച്ചു.

ഡ്യൂട്ടിയിലില്ലാത്ത നഴ്‌സുമാര്‍ കൊവിഡ് പ്രോട്ടോക്കോള്‍ പാലിച്ചാണ് പ്രതിഷേധം നടത്തിയത്. ആശുപത്രിയുടെ പ്രവര്‍ത്തനത്തെ ബാധിക്കാത്ത രീതിയിലായിരുന്നു പ്രതിഷേധം.

Story Highlights: Delhi gtb hospital nurses protest