ബുദ്ധദേവ് ഭട്ടാചാര്യക്കും ഭാര്യക്കും കൊവിഡ്

പശ്ചിമ ബംഗാൾ മുൻ മുഖ്യമന്ത്രി ബുദ്ധദേവ് ഭട്ടാചാര്യക്കും ഭാര്യ മീര ഭട്ടാചാര്യക്കും കൊവിഡ് ബാധ സ്ഥിരീകരിച്ചു. 77 കാരനായ ബുദ്ധദേവ് വീട്ടിൽ ഐസൊലേഷനിൽ കഴിയുകയാണ്. ശ്വാസകോശ സംബന്ധമായ പ്രശ്നങ്ങളുള്ള ഭാര്യ മീരയെ കൊൽക്കത്തയിലുള്ള ഒരു സ്വകാര്യ ആശുപത്രിയിൽ പ്രവേശിപ്പിച്ചു. ബുദ്ധദേവിനെയും ആശുപത്രിയിൽ പ്രവേശിപ്പിക്കണമെന്ന് ഡോക്ടർമാർ ആവശ്യപ്പെട്ടെങ്കിലും അദ്ദേഹം വീട്ടിൽ തന്നെ തുടരാൻ താത്പര്യം പ്രകടിപ്പിക്കുകയായിരുന്നു. അത്യാവശ്യം വേണ്ട സൗകര്യം വീട്ടിൽ ഒരുക്കിയിട്ടുണ്ട്.

രാജ്യത്തെ കൊവിഡ് ബാധ അതിതീവ്രമായി തുടരുകയാണ്. ഇന്നലെ 4529 പേർക്കാണ് കൊവിഡ് മൂലം ജീവൻ നഷ്ടമായത്. രാജ്യത്ത് ഇതുവരെ റിപ്പോർട്ട് ചെയ്തതിൽ ഏറ്റവും ഉയർന്ന പ്രതിദിന കണക്കാണിത്. ഇതോടെ രാജ്യത്ത് ആകെ കൊവിഡ് ബാധിച്ച് മരിച്ചവരുടെ എണ്ണം 2,83,248 ആ​യി ഉ​യ​ർ​ന്നു.

അതേസമയം, രാജ്യത്തെ കേസുകളിൽ കുറവ് രേഖപ്പെടുത്തുകയാണ്. ക​ഴി​ഞ്ഞ 24 മ​ണി​ക്കൂ​റി​നി​ടെ 2,67,334 പേ​ർ​ക്കാ​ണ് കൊ​വി​ഡ് സ്ഥി​രീ​ക​രി​ച്ച​ത്. ഇ​തോ​ടെ രാ​ജ്യ​ത്ത് ആകെ കൊ​വി​ഡ് സ്ഥി​രീ​ക​രി​ച്ച​വ​രു​ടെ എ​ണ്ണം 2,54,96,330 ആ​യി. ഇന്നലെ 3,89,851 പേരാണ് കൊ​വി​ഡ് മു​ക്തി നേടിയത്.

Story Highlights: Buddhadeb Bhattacharjee, wife infected by Covid