കൊവിഡ് സാഹചര്യം വിലയിരുത്താൻ പ്രധാനമന്ത്രി ഇന്നും ജില്ലാ കളക്ടർമാരുമായി ചർച്ച നടത്തും

കൊവിഡ് സാഹചര്യം വിലയിരുത്താൻ പ്രധാനമന്ത്രി നരേന്ദ്രമോദി ഇന്നും ജില്ലാ കളക്ടർമാരുമായി ചർച്ച നടത്തും. ട്രിപ്പിൾ ലോക്ക്ഡൗണും ലോക്ക്ഡൗണും ഉൾപ്പെടെ കർശന നിയന്ത്രണങ്ങൾ ഏർപ്പെടുത്തിയ ശേഷം സംസ്ഥാനങ്ങളിലെ കൊവിഡ് സാഹചര്യം എങ്ങനെയെന്ന് യോഗത്തിൽ വിലയിരുത്തും. ചർച്ചയിൽ ചീഫ് സെക്രട്ടറിമാരും പങ്കെടുത്തേക്കും. കഴിഞ്ഞ ദിവസവും വിവിധ സംസ്ഥാനങ്ങളിലെ പ്രതിനിധികളുമായി പ്രധാനമന്ത്രി ചർച്ച നടത്തിയിരുന്നു.
അതേസമയം രാജ്യത്ത് പ്രതിദിന രോഗബാധ മൂന്ന് ലക്ഷത്തിൽ താഴെ തുടരുകയാണ്. നാലായിരത്തിന് മുകളിലാണ് കഴിഞ്ഞ ദിവസവും രേഖപ്പെടുത്തിയ മരണസംഖ്യ.

Story Highlights: covid 19