രാജ്യത്തെ 50 ശതമാനം ആളുകളും മാസ്‌ക് ധരിക്കുന്നില്ലെന്ന് റിപ്പോർട്ട്

രാജ്യത്തെ 50 ശതമാനം ആളുകളും മാസ്‌ക് ധരിക്കുന്നില്ലെന്ന് പഠനങ്ങൾ. കേന്ദ്ര ആരോഗ്യ മന്ത്രാലയം നടത്തിയ പഠനത്തിലാണ് ഇത് വ്യക്തമായിരിക്കുന്നത്. മാസ്‌ക് ധരിക്കുന്നവരിൽ 64 ശതമാനം ആളുകൾ കൃത്യമായ രീതിയിലല്ല മാസ്‌ക് ധരിക്കുന്നതെന്നും പഠനത്തിൽ തെളിഞ്ഞു.

രാജ്യത്ത് കൊവിഡ് രണ്ടാം തരംഗത്തിന് പ്രധാന കാരണം മാസ്‌ക് കൃത്യമായി ഉപയോഗിക്കാത്തതാണെന്നും ആരോഗ്യമന്ത്രാലയം ചൂണ്ടിക്കാട്ടി. മാസ്‌ക് ധരിക്കുന്നത് പലരും മൂക്കിന് താഴെയാണെന്നും വിമർശിച്ചു. സാമൂഹിക അകലവും മാസ്‌കുമാണ് കൊവിഡിനെ അകറ്റാനുള്ള വഴിയെന്നും ഇത് പാലിക്കാത്തതാണ് രോഗവ്യാപനത്തിന് കാരണമെന്നും കേന്ദ്ര ആരോഗ്യ മന്ത്രാലയ സെക്രട്ടറി പറഞ്ഞു

Story Highlights: improper mask wearing