20
Jun 2021
Sunday

പാർട്ടി നേതാക്കൾക്കെതിരെ ഫേസ്ബുക്ക് പോസ്റ്റുകൾ; ബിജെപി ഐടി സെൽ അംഗം അറസ്റ്റിൽ

BJP IT cell posts

പാർട്ടി നേതാക്കൾക്കെതിരെ ഫേസ്ബുക്ക് പോസ്റ്റുകൾ പങ്കുവച്ച ബിജെപി ഐടി സെൽ അംഗം അറസ്റ്റിൽ. ഗുജറാത്തിലെ സൂറത്തിലാണ് സംഭവം. സൂറത്ത് സൈബർ ക്രൈം വിഭാഗമാണ് നിതേഷ് വനാനി എന്നയാളെ അറസ്റ്റ് ചെയ്തത്. 12 വ്യത്യസ്ത ഫേസ്ബുക്ക് പ്രൊഫൈലുകളിൽ നിന്നാണ് ഇയാൾ പോസ്റ്റുകൾ പങ്കുവച്ചിരുന്നത്. ഇയാളെ റിമാൻഡ് ചെയ്തു.

“സമൂഹമാധ്യമങ്ങളിലൂടെ രാഷ്ട്രീയ നേതാക്കൾക്കെതിരെ പോസ്റ്റുകൾ പങ്കുവച്ച നിതേഷ് വനാനി എന്നയാളെ ഞങ്ങൾ അറസ്റ്റ് ചെയ്തു. 12 ഫേസ്ബുക്ക് അക്കൗണ്ടുകളിൽ നിന്നാണ് ഇയാൾ പോസ്റ്റുകൾ പങ്കുവച്ചിരുന്നത്. ആകെ 19 അക്കൗണ്ടുകളിൽ നിന്ന് ഇത്തരം പോസ്റ്റുകൾ പങ്കുവെക്കപ്പെട്ടിരുന്നതായി കണ്ടെത്തിയിട്ടുണ്ട്. മറ്റുള്ളവരെ കണ്ടെത്താൻ ശ്രമം നടത്തുകയാണ്.”- ക്രൈം ബ്രാഞ്ച് ഇൻസ്പെക്ടർ പ്രശാന്ത് ഖോഖ്റ പറഞ്ഞു.

ഇയാൾക്കെതിരെ ഇന്ത്യൻ ശിക്ഷാനിയമം 153(a), 153(b), 292, 293, 294 (b), 470, 471, 417, 419, 120 (b), 34 and IT sections 66 (d), 67 എന്നീ വകുപ്പുകളാണ് ചുമത്തിയിരിക്കുന്നത്.

Story Highlights: BJP IT cell worker held for ‘objectionable’ posts against party leaders

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top