24
Jun 2021
Thursday

പ്രതിപക്ഷ നേതൃ തെരഞ്ഞെടുപ്പ്: താൻ അപമാനിതനായി; സോണിയ ഗാന്ധിക്ക് കത്തയച്ച് ചെന്നിത്തല

പ്രതിപക്ഷ നേതൃസ്ഥാനത്ത് നിന്ന് തന്നെ അപമാനിച്ച് പുറത്താക്കിയെന്ന് കോൺഗ്രസ് നേതാവ് രമേശ് ചെന്നിത്തല. പ്രതിപക്ഷ നേതാവ് തെരഞ്ഞെടുപ്പിൽ താൻ അപമാനിതനായി. പുതിയ ആളെ നേരത്തെ നിശ്ചയിച്ചിരുന്നുവെങ്കിൽ തന്നെ മുൻകൂട്ടി അറിയിക്കുന്നതായിരുന്നു ഉചിതം. അറിയിച്ചിരുന്നെങ്കിൽ താൻ സ്വയം പിന്മാറുമായിരുന്നു. ഫലത്തിൽ തന്നെ ഒഴിവാക്കി അപമാനിക്കുകയാണ് ചെയ്തതെന്നും ചെന്നിത്തല പാർട്ടി അധ്യക്ഷ സോണിയ ഗാന്ധിക്കയച്ച കത്തിൽ വ്യക്തമാക്കി.

കഴിഞ്ഞ സർക്കാരിൻറെ അഴിമതികളെല്ലാം താൻ പുറത്തുകൊണ്ടുവന്നിരുന്നു. മികച്ച രീതിയിൽ പ്രവർത്തിക്കാൻ ആത്മാർഥമായ ശ്രമം നടത്തി. എന്നാൽ പാർട്ടിയിൽ നിന്നും തനിക്ക് സ്വീകാര്യത ലഭിച്ചില്ല. സംഘടനാ ദൗർബല്യമാണ് കോൺഗ്രസിൻറെ പരാജയത്തിന് പ്രധാന കാരണമെന്നും ചെന്നിത്തല കത്തിൽ വ്യക്തമാക്കി.

ഇക്കാര്യങ്ങളെല്ലാം ഹൈക്കമാൻഡ് നിയോഗിച്ച അശോക് ചവാൻ സമിതിക്ക് മുന്നിലും ചെന്നിത്തല വ്യക്തമാക്കിയിരുന്നു. പിന്നാലെയാണ് കത്തയച്ചിരിക്കുന്നത്.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top