21
Jun 2021
Monday

യു.പി.യിൽ കൊവിഡ് ബാധിച്ച് മരിച്ചയാളുടെ മൃതദേഹം നദിയിലേക്ക് വലിച്ചെറിഞ്ഞു; ദൃശ്യങ്ങൾ പുറത്ത്

യു.പി.യിൽ കൊവിഡ് ബാധിച്ച് മരിച്ചയാളുടെ മൃതദേഹം നദിയിലേക്ക് വലിച്ചെറിഞ്ഞതിന്റെ ദൃശ്യങ്ങൾ പുറത്ത്. ബാൽറാംപൂർ ജില്ലയിലെ റാപ്‌തി നദിയിലേക്കാണ് മൃതദേഹം വലിച്ചെറിഞ്ഞത്. ഇതിൻറെ ദൃശ്യങ്ങൾ സമൂഹ മാധ്യമങ്ങളിൽ വ്യാപകമായി പ്രചരിച്ചിട്ടുണ്ട്. പി.പി.ഇ. കിറ്റ് ധരിച്ചെത്തിയ ആളാണ് മൃതദേഹം നദിയിലേക്ക് വലിച്ചെറിഞ്ഞത്.

സമൂഹമാധ്യമങ്ങളിൽ നിരവധി തവണ പങ്കുവെക്കപ്പെട്ട വിഡിയോയിൽ രണ്ട്​ ആളുകൾ ചേർന്ന്​ കോട്ടവാലി മേഖലയിലെ നദിയിലേക്ക്​ മൃതദേഹം വലിച്ചെറിയുന്നതാണ് ദൃശ്യങ്ങളിൽ​ ഉള്ളത്​. ഇതിലൊരാൾ പി.പി.ഇ കിറ്റ്​ ധരിച്ചിരുന്നു. പ്രേംനാഥ് എന്നയാളുടെ മൃതദേഹമാണ് നദിയിൽ ഒഴുക്കിയെതെന്ന് പോലീസ് പറഞ്ഞു.

മേയ്​ 25നാണ്​ കൊവിഡ് ബാധിച്ച പ്രേംനാഥിനെ ആശുപത്രിയിൽ പ്രവേശിപ്പിച്ചത്. തുടർന്ന്​ ചികിത്സയിലിരിക്കെ ഇയാൾ ​മേയ്​ 28ന്​ മരിച്ചു. ​പ്രേംനാഥിന്‍റെ മൃതദേഹം കൊവിഡ് പ്രോ​ട്ടോകോൾ പ്രകാരം സംസ്​കരിക്കാൻ ബന്ധുക്കൾക്ക്​ കൈമാറി. എന്നാൽ, അവർ സംസ്​കാരം നടത്താതെ മൃതദേഹം നദിയിൽ ഒഴുക്കുകയായിരുന്നുവെന്ന് ബൽറാംപൂർ മെഡിക്കൽ ​ഓഫീസർ പറഞ്ഞു. സംഭവത്തിൽ കേസെടുത്ത്​ അന്വേഷണം ആരംഭിച്ചതായി പോലീസ് അറിയിച്ചു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top