19
Jun 2021
Saturday

കൊവിഡ് കാലത്ത് അവശ്യവസ്തുക്കളുടെ സൗജന്യ വിതരണവുമായി ഒരു ‘സ്നേഹച്ചന്ത’

കൊവിഡിന്റെ അടച്ചുപൂട്ടലില്‍ ബുദ്ധിമുട്ടുന്നവർക്ക് ആശ്വാസമായി സ്നേഹച്ചന്ത. ചന്തയില്‍ എത്തുന്ന ഉത്പന്നങ്ങള്‍ ആവശ്യമുള്ളവര്‍ക്ക് നിശ്ചിത അളവില്‍ സൗജന്യമായി നല്‍കുകയാണ്. പറവൂർ തോന്ന്യകാവിലാണ് ചന്ത മാതൃകയാകുന്നത്.

20, 23 വാര്‍ഡുകളിലെ അറുനൂറ്റി അന്‍പതോളം കുടുംബങ്ങളെ ഉദ്ദേശിച്ചാണ് വാര്‍ഡ് കൗണ്‍സിലര്‍ ടി.വി. നിഥിന്റെയും ഡി.വൈ.എഫ്.ഐ.യുടെയും നേതൃത്വത്തില്‍ ചന്ത തുടങ്ങിയത്. പച്ചക്കറികള്‍, അരി, കോഴിമുട്ട, ചക്ക, മാങ്ങ, നാളികേരം, ഗോതമ്പുപൊടി തുടങ്ങി അവശ്യവസ്തുക്കള്‍ ചന്തയിലുണ്ട്. എന്‍.എസ്.എസ്. കരയോഗ ഹാളിലാണ് വൈകീട്ട് മൂന്നു മുതല്‍ 5.30 വരെ ചന്ത പ്രവര്‍ത്തിക്കുന്നത്. ആര്‍ക്കും ചന്തയിലേക്ക് അവശ്യവസ്തുക്കള്‍ എന്തും സൗജന്യമായി നല്‍കാം.

ആവശ്യക്കാര്‍ക്ക് നിത്യോപയോഗ സാധനങ്ങള്‍ നിശ്ചിത അളവില്‍ തിരഞ്ഞെടുത്ത് കൊണ്ടുപോകാമെന്ന് കൗണ്‍സിലര്‍ ടി.വി. നിഥിന്‍ പറഞ്ഞു. ചന്തയുടെ പ്രവര്‍ത്തനോദ്ഘാടനം പ്രവര്‍ത്തനോദ്ഘാടനം കെ.എന്‍. ഉണ്ണികൃഷ്ണന്‍ എം.എല്‍.എ. നിര്‍വഹിച്ചു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top