31
Jul 2021
Saturday

മുഹമ്മദ് ആമിർ രാജ്യാന്തര ക്രിക്കറ്റിലേക്ക് മടങ്ങിയെത്തുന്നു

mohammad amir international comeback

പാക് പേസർ മുഹമ്മദ് ആമിർ രാജ്യാന്തര ക്രിക്കറ്റിലേക്ക് മടങ്ങിയെത്തുന്നു. നേരത്തെ ക്രിക്കറ്റിൽ നിന്ന് ഇടവേളയെടുക്കുന്നു എന്ന് പ്രഖ്യാപിച്ച താരം മടങ്ങിവരവുമായി ബന്ധപ്പെട്ട് പാക് ക്രിക്കറ്റ് ബോർഡുമായി ചർച്ച നടത്തിയിരുന്നു. ഈ ചർച്ച വിജയകരമായിരുന്നു എന്നും ആമിർ ഏറെ വൈകാതെ വീണ്ടും പാക് ജഴ്സിയിൽ ഇറങ്ങും എന്നുമാണ് നിലവിലെ റിപ്പോർട്ടുകൾ സൂചിപ്പിക്കുന്നത്.

ഫിറ്റ്നസ് പ്രശ്നങ്ങൾ ചൂണ്ടിക്കാട്ടി 2019ൽ ടെസ്റ്റ് ക്രിക്കറ്റിൽ നിന്ന് വിരമിച്ച ആമിർ പാക് ടീം മാനേജ്മെൻ്റിനെയും പരിശീലകരായ മിസ്ബാഹുൽ ഹഖ്, വഖാർ യൂനിസ് എന്നിവരെയും വിമർശിച്ച് ക്രിക്കറ്റിൽ നിന്ന് അനിശ്ചിതകാലത്തേക്ക് ഇടവേളയെടുക്കുകയും ചെയ്തു. മാനേജ്മെൻ്റ് പക്ഷപാതം കാണിക്കുന്നു എന്നും തനിക്ക് വേണ്ട ബഹുമാനം ലഭിക്കുന്നില്ലെന്നും ആമിർ ആരോപിച്ചിരുന്നു. വാതുവെപ്പിനെ തുടർന്ന് 5 വർഷത്തെ വിലക്ക് അനുഭവിച്ചതിനു ശേഷം 2015ലാണ് ആമിർ പാക് ടീമിൽ മടങ്ങി എത്തിയത്.

അതേസമയം, ബ്രിട്ടീഷ് പൗരത്വം സ്വീകരിച്ച് ഐപിഎലിൽ കളിക്കുമെന്ന് ആമിർ പറഞ്ഞിരുന്നു. ഇംഗ്ലണ്ടിൽ തന്നെ താമസിച്ച് ബ്രിട്ടീഷ് പൗരത്വം എടുക്കാനുള്ള ശ്രമത്തിലാണ് താനെന്നും അദ്ദേഹം പറഞ്ഞു. ഒരു പാക് മാധ്യമത്തിനു നൽകിയ അഭിമുഖത്തിലാണ് അദ്ദേഹം ഇക്കാര്യങ്ങൾ വ്യക്തമാക്കിയത്.

Story Highlights: mohammad amir set to make international comeback

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top