ഇലക്ട്രോണിക് – മാലിന്യങ്ങളുടെ കുമിഞ്ഞുകൂടൽ കുട്ടികളുടെ ആരോഗ്യത്തെ ബാധിക്കുന്നുവെന്ന് ലോകാരോഗ്യ സംഘടന

ലോകമെമ്പാടുമുള്ള ദശലക്ഷക്കണക്കിന് കുട്ടികളെയും കൗമാരക്കാരെയും ഗർഭിണികളായ അമ്മമാരെയും സംരക്ഷിക്കുന്നതിന് ഫലപ്രദവും ബന്ധിതവുമായ നടപടി അടിയന്തിരമായി ആവശ്യമാണെന്ന് ലോകാരോഗ്യ സംഘടന. പുതിയ റിപ്പോർട് പ്രകാരം ഉപേക്ഷിക്കപ്പെട്ട ഇലക്ട്രിക്കൽ അല്ലെങ്കിൽ ഇലക്ട്രോണിക് ഉപകരണങ്ങളുടെ അനൗപചാരിക പ്രോസസ്സിംഗ് വഴി കുട്ടികളുടെ ആരോഗ്യം അപകടത്തിലാകുന്നു എന്ന് ലോകാരോഗ്യ സംഘടന മുന്നറിയിപ്പ് നൽകി.

ഇ-മാലിന്യങ്ങളുടെ അനിയന്ത്രിതമായ കുമിഞ്ഞു കൂടൽ ആരോഗ്യത്തെയും ജീവിതത്തെയും പ്രതികൂലമായി ബാധിക്കുമെന്ന് ലോകാരോഗ്യ സംഘടനയുടെ ഡയറക്ടർ ജനറൽ ഡോ. ടെഡ്രോസ് അദാനോം ഗെബ്രിയേസസ് പറഞ്ഞു. “സമുദ്രങ്ങളെയും അവയുടെ ആവാസവ്യവസ്ഥയെയും പ്ലാസ്റ്റിക്, മൈക്രോപ്ലാസ്റ്റിക് മലിനീകരണത്തിൽ നിന്ന് സംരക്ഷിക്കാൻ ലോകം അണിനിരന്ന അതേ രീതിയിൽ, നമ്മുടെ കുട്ടികളുടെ ആരോഗ്യത്തെ – വർദ്ധിച്ചുവരുന്ന ഇ-മാലിന്യ ഭീഷണിയിൽ നിന്ന് സംരക്ഷിക്കാൻ നമ്മൾ അണിനിരക്കേണ്ടതുണ്ട്”, എന്ന് അദ്ദേഹം അറിയിച്ചു.

12.9 ദശലക്ഷം സ്ത്രീകൾ അനൗപചാരിക മാലിന്യ മേഖലയിൽ ജോലി ചെയ്യുന്നു, വിഷലിപ്തമായ ഇ-മാലിന്യങ്ങൾ അവരെയും അവർക്ക് പിറക്കാൻ പോകുന്ന കുഞ്ഞുങ്ങളെയും അപകടത്തിലാക്കുകയും ചെയ്യുന്നു. 18 ദശലക്ഷത്തിലധികം കുട്ടികളും കൗമാരക്കാരും, 5 വയസ്സിന് താഴെയുള്ളവരും ഈ മേഖലയിൽ സജീവമായി ഏർപ്പെടുന്നു, ഉയർന്ന അളവിലുള്ള വിഷ രാസവസ്തുക്കളായ ലീഡ്, മെർക്കുറി എന്നിവ അവരുടെ ബൗദ്ധിക കഴിവുകളെ തകർക്കുന്നു.

ഇ-മാലിന്യത്തിന് വിധേയരായ കുട്ടികൾ അവരുടെ വലിപ്പമനുസരിച്ച് അവരിൽ അടങ്ങിയിരിക്കുന്ന വിഷ രാസവസ്തുക്കൾക്ക് ഇരയാകുന്നു. എന്നാൽ വലുപ്പവുമായി താരതമ്യപ്പെടുത്തുമ്പോൾ കൂടുതൽ മലിനീകരണം ആഗിരണം ചെയ്യുന്ന ഇവർക്ക് ശരീരത്തിൽ നിന്ന് വിഷവസ്തുക്കളെ ഇല്ലാതാക്കാൻ കഴിവില്ല.

ഗർഭിണിയായ അല്ലെങ്കിൽ കുഞ്ഞിനെ പ്രതീക്ഷിക്കുന്ന ഒരു സ്ത്രീയെ സംബന്ധിച്ചിടത്തോളം വിഷലിപ്തമായ ഇ- മാലിന്യങ്ങൾ കൈകാര്യം ചെയ്യുന്നത് അവരുടെ കുഞ്ഞിന്റെ ആരോഗ്യത്തെയും വളർച്ചയെയും ജീവിതകാലം മുഴുവൻ ബാധിക്കും. അകാല ജനനം, കുഞ്ഞിന്റെ ഭാരത്തിലും വലുപ്പത്തിലും ഉണ്ടാകുന്ന കുറവ് എന്നിവ ഇത് മൂലം ഉണ്ടായേക്കാം.

ഇ-മാലിന്യവുമായി ബന്ധപ്പെട്ട മറ്റ് പ്രതികൂല ശിശു ആരോഗ്യ പ്രത്യാഘാതങ്ങൾ ശ്വാസകോശത്തിന്റെ പ്രവർത്തനത്തിലെ മാറ്റങ്ങൾ, ഡി‌.എൻ‌.എ.യിൽ ഉണ്ടാകുന്ന കേടുപാടുകൾ, തൈറോയ്ഡ് പ്രവർത്തനം തകരാറിലാകൽ, ക്യാൻസർ, ഹൃദയ രോഗങ്ങൾ എന്നിവ പോലുള്ള ചില വിട്ടുമാറാത്ത രോഗങ്ങളുടെ അപകടസാധ്യത എന്നിവയാണ്.

ഇ-മാലിന്യ അളവ് ആഗോളതലത്തിൽ വർദ്ധിച്ചുകൊണ്ടിരിക്കുകയാണ്. ഗ്ലോബൽ ഇ-വേസ്റ്റ് സ്റ്റാറ്റിസ്റ്റിക്സ് പാർട്ണർഷിപ്പ് (ജി.ഇ.എസ്.പി) അനുസരിച്ച്, 2019 വരെയുള്ള അഞ്ച് വർഷങ്ങളിൽ 53.6 ദശലക്ഷം മെട്രിക് ടൺ ഇ-മാലിന്യങ്ങൾ ഉൽ‌പാദിപ്പിച്ചപ്പോൾ 21 ശതമാനം വർദ്ധനവ് ഉണ്ടായി. കമ്പ്യൂട്ടറുകൾ, മൊബൈൽ ഫോണുകൾ, മറ്റ് ഇലക്ട്രോണിക്സ് എന്നിവയുടെ ഉപയോഗം അതിവേഗം കാലഹരണപ്പെടുന്നതിനൊപ്പം ഇ-മാലിന്യങ്ങളുടെ അളവ് വർധിച്ചു കൊണ്ടേയിരിക്കും.

ഇ-മാലിന്യങ്ങൾ പാരിസ്ഥിതികമായി നീക്കംചെയ്യുന്നത് ഉറപ്പുവരുത്തുന്നതിനും തൊഴിലാളികളുടെയും അവരുടെ കുടുംബങ്ങളുടെയും ആരോഗ്യവും സുരക്ഷയും ഉറപ്പുവരുത്തുന്നതിന് കയറ്റുമതിക്കാരും ഇറക്കുമതിക്കാരും സർക്കാരുകളും ഫലപ്രദവും ബന്ധിതവുമായ നടപടി സ്വീകരിക്കാൻ കുട്ടികളും ലോകാരോഗ്യ സംഘടന ആവശ്യപ്പെടുന്നു.