Advertisement

കന്നുകാലി കടത്ത് ആരോപിച്ച് ത്രിപുരയിൽ ആൾക്കൂട്ടം മൂന്ന് പേരെ മർദിച്ച് കൊലപ്പെടുത്തി

June 21, 2021
0 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കന്നുകാലി കടത്ത് ആരോപിച്ച് ത്രിപുര ഖൊ​വാ​യ്​ ജി​ല്ല​യി​ൽ ആൾക്കൂട്ടം മൂന്ന് പേരെ മർദ്ദിച്ച് കൊലപ്പെടുത്തി. മരിച്ച മൂന്ന് പേർക്കെതിരെ പശു മോഷണത്തിന് പോലീസ് കേസെടുത്തിട്ടുണ്ട്. ജാ​യ​സ്​ ഹു​സൈ​ൻ, ബി​ല്ലാ​ൽ മി​യ, സൈ​ഫു​ൽ ഇ​സ്​​ലാം എന്നിവരാണ് കൊല്ലപ്പെട്ടത്.

അതേസമയം, കൊലപാതകത്തിന്​ അജ്ഞാതരായ അക്രമികൾക്കെതിരെ കേസ്​ രജിസ്റ്റർ ചെയ്​തുവെങ്കിലും ഇതുവരെ ആരെയും അറസ്റ്റ്​ ചെയ്​തിട്ടില്ല. കല്യാൺപൂർ പോലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്.

അഗർത്തലയിൽ നിന്ന് 46 കിലോമീറ്റർ അകലെ ഞായറാഴ്ച്ച പുലർച്ചെയാണ് സംഭവം. അഞ്ച് കന്നുകാലികളുമായി അഗർത്തലയിലേക്ക് പോയ ട്രക്ക് ആണ് അക്രമിക്കപ്പെട്ടതെന്ന് പോ​ലീ​സ്​ സൂ​പ്ര​ണ്ട്​ കി​ര​ൺ കു​മാ​ർ പ​റ​ഞ്ഞു. പിന്തുടർന്നെത്തിയ പ്രദേശവാസികളാണ് ട്രക്ക് തടഞ്ഞ് മർദ്ദിച്ചത്.

കൊല്ലപ്പെട്ടവർ സെപാഹിജാല സ്വദേശികളാണ്. 2020 ഡിസംബറിലും സെപാഹിജാല ജില്ലയിൽ പശുക്കടത്തിന്‍റെ പേരിൽ ഒരാളെ ആൾക്കൂട്ടം കൊലപ്പെടുത്തിയിരുന്നു.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement