30
Jul 2021
Friday

ലോക തോല്‍വികളെ അണ്‍ഫോളോ ചെയ്യുക; ലങ്കന്‍ ടീമിനെതിരെ ക്യാമ്പയിനുമായി ആരാധകര്‍

ശ്രീലങ്കൻ ക്രിക്കറ്റ് ടീമിന്റെ തുടർച്ചയായ പരാജയങ്ങളിൽ അസ്വസ്ഥരായി ആരാധകർ. സതാംപ്​റ്റണില്‍ ഇംഗ്ലണ്ടിനോട്​ 89 റണ്‍സിന്​ തോറ്റ്​ ട്വന്‍റി20 പരമ്പര 3-0ത്തിന്​ അടിയറവ്​ വെച്ചതോടെ ആരാധകരുടെ കലി ഇരട്ടിയായി. ഇതോടെ സമ്പൂർണ പരാജയമായി നില്‍ക്കുന്ന ടീമിനെതിരെ സോഷ്യല്‍ മീഡിയ ക്യാമ്പയിന് തുടക്കമിട്ടിരിക്കുകയാണ്​ ശ്രീലങ്കന്‍ ആരാധകര്‍.

‘അണ്‍ഫോളോ ക്രിക്കറ്റേഴ്​സ്​’ ഹാഷ്​ ടാഗ്​ ഫേസ്​ബുക്കിലടക്കം ട്രന്‍ഡിങ്ങായി മാറി. ആയിരക്കണക്കിന്​ ആരാധകര്‍​ ഉപനായകന്‍ കുശാല്‍ മെന്‍ഡിസ്​, ഓപണര്‍ ധനുഷ്​ക ഗുണതിലക എന്നിവരടമടക്കമുള്ള താരങ്ങളുടെ ഫേസ്​ബുക്ക്​ പേജുകള്‍ അണ്‍ഫോളോ ചെയ്​തു.

പരാജിതരായ ലങ്കന്‍ ക്രിക്കറ്റ്​ താരങ്ങളുടെ ഫേസ്​ബുക്ക്​, ഇന്‍സ്​റ്റഗ്രാം, ട്വിറ്റര്‍ എന്നീ സോഷ്യല്‍ മീഡിയ പ്ലാറ്റ്​ഫോമുകളിലുള്ള ഔദ്യോഗിക​ അക്കൗണ്ടുകള്‍ അണ്‍ഫോ​ളോ ചെയ്യുക എന്നതാണ്​ ക്യാമ്പയിന്റെ ലക്ഷ്യമെന്ന്​ റിപ്പോര്‍റ്റുകൾ പറയുന്നു.

ദേശീയ ടീമിന്റെ മത്സരങ്ങള്‍ ആരും ടി.വിയില്‍ കാണരുതെന്ന സന്ദേശമുള്ള മീമുകളും പങ്കുവെക്കപ്പെടുന്നുണ്ട്​. ട്വന്‍റി20യില്‍ ഇത്​ തുടര്‍ച്ചയായി അഞ്ചാം പരമ്പരയാണ് ലങ്ക തോൽക്കുന്നത്. സീനിയര്‍ താരങ്ങളാരും ഇതുവരെ പ്രതികരിച്ചിട്ടില്ലെങ്കിലും കഴിഞ്ഞ മൂന്ന്​ പതിറ്റാണ്ടിനിടെയിലുള്ള ഏറ്റവും മോശം പ്രകടനമാണ്​ ലങ്കന്‍ ടീം നടത്തുന്നതെന്നാണ്​ വിലയിരുത്തല്‍.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top