ഇന്ത്യയുടെ വികലമായ ഭൂപടം; നീക്കം ചെയ്ത് ട്വിറ്റർ

ജമ്മു കശ്മീരിനേയും ലഡാക്കിനേയും ഒഴിവാക്കിയ ഇന്ത്യയുടെ വിവാദ ഭൂപടം ട്വിറ്റർ നീക്കം ചെയ്തു. കടുത്ത പ്രതിഷേധം ഉയർന്നതോടെയാണ് ഭൂപടം നീക്കം ചെയ്തത്.

ജമ്മു കശ്മീരിനെയും ലഡാക്കിനെയും ഒഴിവാക്കി ഇന്ത്യയുടെ ഭൂപടമിട്ടത് വലിയ വിവാദങ്ങൾക്ക് കാരണമായി തീർന്നിരുന്നു. ട്വിറ്ററിന്റെ വെബ്‌സൈറ്റിൽ കരിയർ വിഭാഗത്തിലാണ് ഇന്ത്യയുടെ തെറ്റായ മാപ്പ് നൽകിയത്. മൈക്രോ ബ്ലോഗിംഗ് പ്ലാറ്റ്‌ഫോമിലെ കരിയർ വിഭാഗത്തിൽ ദൃശ്യമാകുന്ന മാപ്പിൽ ജമ്മുകശ്മീർ, ലഡാക്ക് എന്നിവ രാജ്യത്തിന് പുറത്തായാണ് കാണിച്ചിരുന്നത്.

അതേസമയം , സംഭവത്തെ തുടർന്ന് ട്വിറ്റർ യാതൊരു വിശദീകരണവും ഇതുവരെ നൽകിയിട്ടില്ല. ഗൗരവമായ വിഷയമാണെന്നും കടുത്ത നടപടിക്കൊരുങ്ങുമെന്നും കേന്ദ്ര ഐ.ടി മന്ത്രാലയം വ്യക്തമാക്കിയിരുന്നു.

Story Highlights: Twitter removes distorted map of India from its website