ഗുജറാത്തിൽ ചൂതാട്ട മദ്യവിരുന്ന്; ബി.ജെ.പി എം.എൽ.എ അറസ്റ്റിൽ

മദ്യം നിരോധിച്ചിട്ടുള്ള ഗുജറാത്തിലെ ചൂതാട്ട മദ്യവിരുന്ന് കേന്ദ്രത്തിൽ പൊലീസ് നടത്തിയ തിരച്ചിലിൽ ബി.ജെ.പി എം.എൽ.എ അറസ്റ്റിൽ. ഖേഡ ജില്ലയിലെ മാടർ മണ്ഡലത്തിൽ നിന്നുള്ള ബി.ജെ.പി. നിയമസഭാംഗം കേസരിസിംഗ് സോളങ്കിയടക്കം 26 പേരാണ് പിടിയിലായത്.

മധ്യ ഗുജറാത്തിൽ പാഞ്ച്മഹൽ ജില്ലയിലെ ഹലോളിൽ ഒരു റിസോർട്ടിൽ വ്യാഴാഴ്ച രാത്രിയാണ് സംഭവം. രഹസ്യവിവരത്തെ തുടർന്ന് ക്രൈം ബ്രാഞ്ച് നടത്തിയ റെയ്ഡിലാണ് ബിജെപി എംഎൽഎ അടക്കം പിടിയിലായത്. ആറു കുപ്പി വിദേശമദ്യവും എട്ടു വാഹനങ്ങളും പിടിച്ചെടുത്തു. പിടിയിലായവരിൽ ഏഴ് സ്ത്രീകളുമുണ്ട്. ഇതിൽ നാലുപേർ നേപ്പാൾ സ്വദേശികളാണ്.

Story Highlights: Gujarat BJP MLA caught gambling, arrested from club