30
Jul 2021
Friday

ഡൽഹി കലാപം: നിയമസഭാ സമിതി ഫേസ്ബുക്കിന് നൽകിയ നോട്ടിസ് റദ്ദാക്കാനാകില്ലെന്ന് സുപ്രിംകോടതി

ഡൽഹി കലാപവുമായി ബന്ധപ്പെട്ട് ഡൽഹി നിയമസഭാ സമിതി ഫേസ്ബുക്കിന് നൽകിയ നോട്ടിസ് റദ്ദാക്കാനാകില്ലെന്ന് സുപ്രിംകോടതി. നോട്ടിസ് റദ്ദാക്കണമെന്ന ഫേസ്ബുക്ക് വൈസ് പ്രസിഡന്റ് അജിത് മോഹന്റെ ആവശ്യം, ജസ്റ്റിസ് എസ്.കെ. കൗൾ അധ്യക്ഷനായ ബെഞ്ച് തള്ളി.

കേന്ദ്രസർക്കാരിന്റെ പരിധിയിലുള്ള ക്രമസമാധാനം തുടങ്ങിയ വിഷയങ്ങളിൽ ഡൽഹി നിയമസഭയ്ക്ക് അധികാരമില്ലെങ്കിലും, സാമൂഹ്യമായ സങ്കീർണ പ്രശ്‌നങ്ങളിൽ അന്വേഷണം നടത്താൻ കഴിയുമെന്ന് കോടതി വ്യക്തമാക്കി. എന്നാൽ നിയമസഭാ സമിതി പ്രോസിക്യൂഷൻ ഏജൻസിയെന്ന മട്ടിൽ പ്രവർത്തിക്കരുത്. ക്രമസമാധാനവും പ്രോസിക്യൂഷനുമായി ബന്ധപ്പെട്ട ചോദ്യങ്ങൾക്ക് മറുപടി പറയാതിരിക്കാൻ ഫേസ്ബുക്ക് വൈസ് പ്രസിഡന്റിന് കഴിയും. സാമൂഹ്യ മാധ്യമങ്ങൾക്ക് ജനങ്ങളെ സ്വാധീനിക്കാനും, സമൂഹത്തിൽ ധ്രുവീകരണം നടത്താനും ശേഷിയുണ്ടെന്ന് സുപ്രിംകോടതി വ്യക്തമാക്കി.

ഡൽഹി കലാപവുമായി ബന്ധപ്പെട്ട് വിദ്വേഷ പ്രസംഗങ്ങൾ പ്രചരിച്ചതിൽ ഫേസ്ബുക്കിന്റെ പങ്ക് മനസിലാക്കാനാണ് നിയമസഭാ സമിതി ഫേസ്ബുക്കിന് നോട്ടിസ് നൽകിയിരുന്നത്.

Story Highlights: Facebook, Supreme court of India, Delhi riots

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top