മാറ്റിയോ ബെറെറ്റിനി വിംബിള്‍ഡണ്‍ ഫൈനലിൽ; ഹർകാസിനെ കീഴടക്കിയത് ഒന്നിനെതിരെ മൂന്ന് സെറ്റുകള്‍ക്ക്

വിംബിള്‍ഡണ്‍ പു​രു​ഷ വി​ഭാ​ഗ​ത്തി​ല്‍ ഏ​ഴാം സീ​ഡ്​ മാ​റ്റി​യോ ബെറെറ്റിനി ഫൈ​ന​ലി​ല്‍. സെമിയിൽ ​14ാം സീ​ഡ്​ ഹുബർട്ട് ഹർകാസിനെ 6-3, 6-0, 6-7, 6-4ന്​ ​തോ​ല്‍​പി​ച്ചാ​ണ്​ 25കാ​ര​നാ​യ ഇ​റ്റ​ലി താ​രം ക​ലാ​ശ​ക്ക​ളി​ക്ക്​ ടി​ക്ക​റ്റു​റ​പ്പി​ച്ച​ത്. ര​ണ്ടാം സീ​ഡ്​ ഡാ​നി​ല്‍ മെ​ദ്​​വ​ദേ​വി​നെ​യും വിംബിള്‍ഡണി​ലെ റെ​ക്കോ​ഡ്​ ജേ​താ​വ്​ റോ​ജ​ര്‍ ഫെ​ഡ​റ​റെ​യും അ​ട്ടി​മ​റി​ച്ചെ​ത്തി​യ ഹർകാസിനെ കു​തി​പ്പി​നാ​ണ്​ ബെറെറ്റിനി അ​ന്ത്യം​ കു​റി​ച്ച​ത്.

ബെറെറ്റിനിയുടെ ആദ്യ ഗ്രാസ്ലാം ഫൈനലാണിത്. ജയത്തോടെ വിംബിള്‍ഡണ്‍ സിംഗിള്‍സ് ഫൈനലിലെത്തുന്ന ആദ്യ ഇറ്റാലിയന്‍ താരമെന്ന റെക്കോര്‍ഡും ബെറെറ്റിനിക്ക് സ്വന്തമായി. വിംബിള്‍ഡണ്‍ ഫൈനലിലെത്തിയെന്നത് വിശ്വസിക്കാന്‍ പോലുമാകുന്നില്ലെന്നും സ്വപ്നം പോലും കാണാനാകാത്ത നേട്ടമാണിതെന്നും ബെറെറ്റിനി മത്സരശേഷം പറഞ്ഞു.

ഫെഡററെ തോല്‍പ്പിച്ച ക്വാര്‍ട്ടര്‍ മത്സരത്തില്‍ പുറത്തെടുത്ത മികവിന്റെ അടുത്തൊന്നും എത്താന്‍ ബെറെറ്റിനിക്കെതിരായ സെമി പോരാട്ടത്തില്‍ ഹര്‍ക്കാസിന് കഴിഞ്ഞില്ല. 2019 യു.​എ​സ്​ ഓ​പ​ണ്‍ സെ​മി ഫൈ​ന​ലി​ലെ​ത്തി​യ​താ​യി​രു​ന്നു ഇ​തു​വ​രെ​യു​ള്ള മി​ക​ച്ച നേ​ട്ടം. ഈ​വ​ര്‍​ഷം ഫ്ര​ഞ്ച്​ ഓ​പ​ണി​ല്‍ ക്വാ​ര്‍​ട്ട​റി​ലും ആ​സ്​​ട്രേ​ലി​യ​ന്‍ ഓ​പ​ണി​ല്‍ പ്രീ​ക്വാ​ര്‍​ട്ട​റി​ലും ക​ട​ന്നി​രു​ന്നു.