01
Aug 2021
Sunday

10 വര്‍ഷമായി വീട്ടില്‍ വൈദ്യുതിയില്ല; മൂന്നാം ക്ലാസുകാരന്റെ ഇടപെടലിനെ തുടര്‍ന്ന് കണക്ഷന്‍ ലഭിച്ചു

10 വര്‍ഷമായി വൈദ്യുതിയില്ലാത്ത വീട്ടില്‍ മൂന്നാം ക്ലാസുകാരന്റെ ഇടപെടലിനെ തുടര്‍ന്ന് കണക്ഷന്‍ ലഭിച്ചു. പട്ടണക്കാട് പഞ്ചായത്ത് 17ാം വാര്‍ഡില്‍ മാണിയാംപൊഴിയില്‍ പ്രിന്‍സ്-റാണി ദമ്പതികളുടെ മകനും ഒറ്റമശേരി സെന്റ് ജോസഫ് എന്‍പി എസില്‍ മൂന്നാം ക്ലാസ് വിദ്യാര്‍ത്ഥി അലന്‍ പ്രിന്‍സാണ് വൈദ്യുതി ഇല്ലാത്തതിനാല്‍ പഠിക്കാനാകുന്നില്ലെന്ന് പരാതിപ്പെട്ടത്.

പത്ത് വര്‍ഷമായി കറന്റ് കണക്ഷന് വേണ്ടി അപേക്ഷ സമര്‍പ്പിച്ച മത്സ്യതൊഴിലാളിയായ പ്രിന്‍സിന് അയല്‍വാസികളുടെ അനുമതിക്കായി അനവധി ഇടപെടല്‍ നടത്തിയിട്ടും നടന്നില്ല. ഇതോടെ അലന്റെയും സഹോദരിയായ എട്ടാം ക്ലാസ് വിദ്യാര്‍ത്ഥി സ്‌നേഹയുടെയും പഠനം വഴിമുട്ടി.

ഓണ്‍ലൈന്‍ പഠനത്തിന് ടിവിയും കറന്റും മൊബൈല്‍ ഫോണിന് റേഞ്ചുമില്ലെന്ന ദുരവസ്ഥ സ്‌കൂളിലെ പ്രധാന അധ്യാപികയോട് അലന്‍ പറഞ്ഞതോടെയാണ് കാര്യങ്ങള്‍ പുറംലോകമറിയുന്നത്. പ്രിന്‍സിന്റെ അവസ്ഥ പ്രധാന അധ്യാപിക സോണിയ മന്ത്രി പി പ്രസാദിനെ അറിയിക്കുകയായിരുന്നു.

അധ്യാപിക അലന്റെ കാര്യം മന്ത്രിയോട് പറഞ്ഞ ഉടനെ കെഎസ്ഇബി അധികൃതരെ വിളിച്ച് വേണ്ട നടപടിയെടുക്കാന്‍ നിര്‍ദ്ദേശം നല്‍കി. തുടര്‍ന്ന് കെഎസ്ഇബി അധികൃതര്‍ എത്തി അയല്‍വാസികള്‍ക്ക് കുഴപ്പമില്ലാത്ത രീതിയില്‍ മൂന്ന് പോസ്റ്റ് ഇട്ട് വെള്ളിയാഴ്ചയോടെ കറന്റ് കണക്ഷന്‍ നല്‍കുകയായിരുന്നു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top