വിജയാഹ്ലാദം കുടുംബവുമായി വിഡിയോ കോളിലൂടെ പങ്കുവച്ച് മെസി

കൊപ്പ അമേരിക്ക കപ്പ് സ്വന്തമാക്കിയ മെസി വിജയാഹ്ലാദം കുടുംബവുമായി വിഡിയോ കോളിലൂടെ പങ്കുവയ്ക്കുന്ന വിഡിയോ സമൂഹമാധ്യമങ്ങളിൽ വൈറലാകുന്നു. കോപ്പ അമേരിക്കയുടെ ഔദ്യോഗിക ഇൻസ്റ്റഗ്രാം പേജിലാണ് ഈ ഹൃദയം തൊടുന്ന വിഡിയോ പങ്കുവച്ചിരിക്കുന്നത്.

‘എന്തൊരു നിമിഷമാണ് ഇത്’ എന്ന തലക്കെട്ടോടെയാണ് വിഡിയോ പങ്കുവച്ചിരിക്കുന്നത്. ലക്ഷക്കണക്കിന് ആരാധകരാണ് മണിക്കൂറുകൾക്കം തന്നെ വിഡിയോ കണ്ടത്.

വിഡിയോ :

View this post on Instagram

A post shared by Copa América (@copaamerica)

1993 ന് ശേഷം ആദ്യമായാണ് അർജന്റീന കോപ്പ അമേരിക്ക കിരീടം ഉയർത്തുന്നത്. അവസാന രണ്ട് തവണ കോപ്പയിൽ ഏറ്റുമുട്ടിയപ്പോഴും ജയം ബ്രസീലിനൊപ്പം നിന്നു. രണ്ട് തവണയും സമകാലിക ഫുട്‌ബോളിലെയും ഫുട്‌ബോൾ ചരിത്രത്തിലെയും ഏറ്റവും മികച്ച താരങ്ങളിൽ പെട്ട ലയണൽ ആന്ദ്രേസ് മെസി പരാജിതനായി തലകുനിച്ചുനിന്നു. ആ ശിരസാണ് ഇപ്പോൾ ഫുട്‌ബോൾ പ്രേമികളുടെ ഹൃദയതാളത്തിനൊപ്പം വാനോളമുയർന്നത്.

Read Also : കണ്ണ് നിറഞ്ഞ് നെയ്മർ; വാരിപ്പുണർന്ന് മെസ്സി; കളിക്കളത്തിൽ വികാരനിർഭര മുഹൂർത്തം; വിഡിയോ

അർജന്റീന ആരാധകർ മാത്രമല്ല, ബ്രസീൽ ഫാൻസ് പോലും കപ്പ് മെസി ഉയർത്തിയെങ്കിൽ എന്ന് ആഗ്രഹിച്ചിട്ടുണ്ട്. കായിക ലോകം ഒന്നടങ്കം കാത്തിരുന്ന സ്വപ്‌ന മുഹൂർത്തത്തിനാണ് 2021ൽ മാറക്കാന സാക്ഷിയായത്.

Story Highlights: Messi Shares Emotional Winning Moments With Family On Video Call