കറിയിൽ ഉപ്പ് കൂടിയാൽ പരിഹരിക്കാൻ 7 വഴികൾ

സ്വാദൂറുന്ന കറികൾ തയാറാക്കിയതിന് ശേഷം ഉപ്പ് കൂടിയാൽ പിന്നെ കറി കഴിക്കാൻ പറ്റാതെയാവും. ഉപ്പ് കൂടിയാൽ പരീക്ഷിക്കാവുന്ന ചില പൊടിക്കൈകൾ പരിചയപ്പെടാം.

• ഉപ്പ് കൂടുമ്പോൾ ഒരു നുള്ള് പഞ്ചസാര ചേർത്താൽ രുചി ക്രമീകരിക്കപ്പെടും.

• ഉപ്പ് കൂടിയാൽ അൽപ്പം തേങ്ങാപ്പാൽ ചേർക്കാം.

• ഉപ്പ് കൂടിയെന്ന് തോന്നുമ്പോൾ കുറച്ച് വെള്ളം കൂടി ചേർത്ത് തിളപ്പിക്കുക.

• ഉപ്പ് കുറയ്ക്കാനുള്ള ഏറ്റവും മികച്ച പരിഹാരമാണ് ഉരുളക്കിഴങ്ങ്. കഷണങ്ങളാക്കിയ ഉരുളക്കിഴങ്ങ് കറിയിൽ ചേർത്ത് കൊടുക്കുക. കറി തണുത്ത ശേഷം ഉരുളക്കിഴങ്ങ് എടുത്ത് മാറ്റാവുന്നതാണ്.

• ഒരു തക്കാളി ചേർത്താലും ഉപ്പ് കുറഞ്ഞ് കിട്ടും.

• സവാള വട്ടത്തിൽ അരിഞ്ഞത് ചേർത്ത് കൊടുത്താലും ഉപ്പ് കുറഞ്ഞ് കിട്ടും.

• അധികം പുളിയില്ലാത്ത തൈര് ചേർക്കുന്നതും ഫലപ്രദമാണ്.