20
Sep 2021
Monday

‘തർക്കം പരിഹരിച്ച് ഒരുമിച്ച് മുന്നോട്ടുപോണം’; ഐഎൻഎല്ലിന് മുന്നറിയിപ്പുമായി എൽഡിഎഫ്

cpim warn inl

ഐഎൻഎല്ലിലെ ഇരുവിഭാഗങ്ങളും തർക്കം പരിഹരിച്ച് മുന്നോട്ടുപോകണമെന്ന് എൽഡിഎഫ് നേതൃത്വത്തിന്റെ മുന്നറിയിപ്പ്. സംസ്ഥാന അധ്യക്ഷൻ എ.പി.അബ്ദുൾ വഹാബും അനുകൂലികളും നടത്തിയ കൂടിക്കാഴ്ചയിലാണ് എൽഡിഎഫ് നേതാക്കൾ നിലപാട് വ്യക്തമാക്കിയത്.

സംസ്ഥാന പ്രസിഡന്റ് എ.പി.അബ്ദുൾ വഹാബിന്റേയും ജനറൽ സെക്രട്ടറി കാസിം ഇരിക്കൂറിന്റേയും നേതൃത്വത്തിൽ ഐഎൻഎൽ രണ്ടു ചേരിയായതിൽ എൽഡിഎഫ് നേതൃത്വം കടുത്ത അമർഷത്തിലാണ്. ഇരുവിഭാഗങ്ങളും പ്രശ്‌നങ്ങൾ പരിഹരിച്ച് ഒന്നിച്ചുപോകണമെന്ന് സിപിഐഎം നിർദേശം നൽകിയതിനു പിന്നാലെയായിരുന്നു കൊച്ചിയിലെ തമ്മിൽതല്ല്. ഈ പശ്ചാത്തലത്തിലാണ് എ.പി.അബ്ദുൾ വഹാബും അനുകൂലികളും തലസ്ഥാനത്തെത്തി കാനം രാജേന്ദ്രനേയും എ.വിജയരാഘവനേയും കണ്ടത്. ഐഎൻഎല്ലിലെ പ്രശ്‌നങ്ങൾ തെരുവിലേക്കെത്തിയത് മുന്നണിക്ക് നാണക്കേടായെന്ന് കാനം രാജേന്ദ്രന്റെ നിലപാട്. അനുരഞ്ജനത്തിന്റെ വാതിലുകൾ കൊട്ടിയടഞ്ഞിട്ടില്ലെന്നും പ്രവർത്തകർ ഭൂരിഭാഗവും തങ്ങൾക്കൊപ്പമാണെന്നുമായിരുന്നു എ.പി.അബ്ദുൾ വഹാബിന്റെ പ്രതികരണം.

Read Also: ഐഎൻഎൽ തർക്കം; ഇരു വിഭാഗങ്ങളും ഒന്നിച്ചു നിന്നാൽ മുന്നണിയിൽ തുടരാമെന്ന് സിപിഐഎം

എകെജി സെന്ററിൽ എത്തി ഇടതുമുന്നണി കൺവീനറുമായി ഐഎൻഎൽ നേതാക്കൾ കൂടിക്കാഴ്ച നടത്തിയെങ്കിലും വിശദമായ ചർച്ച നാളെ ആകാമെന്ന് വിജയരാഘവൻ അറിയിച്ചു. വിഷയം സിപിഐഎം ചർച്ച ചെയ്യാത്തതിനാലാണിത്. പ്രശ്‌നപരിഹാര ശ്രമങ്ങൾക്ക് എൽഡിഎഫ് നേതൃത്വം മുൻകൈ എടുക്കുമെന്ന പ്രതീക്ഷയിലാണ് എ.പി.അബ്ദുൾവഹാബ് വിഭാഗം. നാളെ ചേരുന്ന സിപിഐഎം സംസ്ഥാന സെക്രട്ടേറിയറ്റിന്റെ നിലപാട് ഇക്കാര്യത്തിൽ നിർണായകമാകും.

Story Highlights: cpim warn inl

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top