21
Oct 2021
Thursday
Covid Updates

    ഒരു ലക്ഷം പേർക്ക് നിയമനം നൽകാൻ കോഗ്നിസന്റ്; 2022 ഓടെ 45,000 ഇന്ത്യക്കാർക്ക് അവസരം

    Cognizant to Hire

    യു.എസ്. ആസ്ഥാനമായുള്ള ടെക് ഭീമന്മാരായ കോഗ്നിസന്റ് ഈ വർഷം ഒരു ലക്ഷത്തോളം പേരെ നിയമിച്ചേക്കും. കമ്പനിയിൽ നിന്ന് ഉയർന്ന തോതിൽ ജീവനക്കാർ രാജി വച്ച് പുറത്ത് പോകുന്നതിനെ തുടർന്നാണ് തീരുമാനം. കൂടാതെ, ഈ വർഷം 30,000 ത്തോളം പുതിയ ബിരുദധാരികൾ കമ്പനിയുടെ ഭാഗമാകുമെന്ന് പ്രതീക്ഷിക്കുന്നതായും കോഗ്നിസന്റ് അറിയിച്ചു. 2022-ഓടെ ഇന്ത്യയിൽ പുതുതായി പഠിച്ചിറങ്ങിയ 45,000 പേർക്ക് ജോലി നൽകാൻ ലക്ഷ്യംവെക്കുന്നതായും കമ്പനി വ്യക്തമാക്കി.

    Read Also: ഐപിഒയ്ക്കുമുമ്പെ പേടിഎമ്മിന്റെ തലപ്പത്തുനിന്ന് ഉന്നതരുടെ കൊഴിഞ്ഞുപോക്ക്

    ജീവനക്കാരുടെ കൊഴിഞ്ഞ് പോക്കിന്റെ പശ്ചാത്തലത്തിൽ ജോലി ക്രമീകരണം, സ്ഥാനക്കയറ്റം അടക്കമുള്ള നടപടികൾ സ്വീകരിച്ചതായും കോഗ്നിസന്റ് സി.ഇ.ഒ. ബ്രയാൻ ഹംഫ്രീസ് അറിയിച്ചു. ഈ വർഷം ഏകദേശം ഒരു ലക്ഷം പേരെ നിയമിക്കാനും പരിശീലിപ്പിക്കാനും ലക്ഷ്യമിടുന്നതായും അദ്ദേഹം കൂട്ടിച്ചേർത്തു.

    ഇന്ത്യയിലെ ജൂനിയർ, മിഡ് ലെവൽ തസ്തികകളിലാണ് കൊഴിഞ്ഞുപോക്ക് പ്രധാനമായും ഉള്ളതെന്ന് കമ്പനിയുടെ ഉന്നത ഉദ്യോഗസ്ഥർ അഭിപ്രായപ്പെട്ടു. ഇതൊരു ആഗോള പ്രതിഭാസമാണെന്നും അവർ വ്യക്തമാക്കി.

    Story Highlights: Cognizant To Hire 1 Lakh Employees In 2021

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top