23
Sep 2021
Thursday

ഡെയിൽ സ്റ്റെയിൻ വിരമിച്ചു

dale steyn retired cricket

ദക്ഷിണാഫ്രിക്കൻ ഇതിഹാസ പേസർ ഡെയിൽ സ്റ്റെയിൻ ക്രിക്കറ്റിൻ്റെ എല്ലാ രൂപങ്ങളിൽ നിന്നും വിരമിച്ചു. തൻ്റെ ട്വിറ്റർ ഹാൻഡിലിലൂടെ സ്റ്റെയിൻ തന്നെയാണ് ഇക്കാര്യം അറിയിച്ചത്. 2019 ഓഗസ്റ്റ് 5ന് അദ്ദേഹം ടെസ്റ്റ് ക്രിക്കറ്റിൽ നിന്ന് വിരമിച്ചിരുന്നു. എന്നാൽ ഇപ്പോൾ താരം ഏകദിന, ടി-20 ഫോർമാറ്റുകളിൽ നിന്നും വിരമിക്കൽ പ്രഖ്യാപിച്ചിരിക്കുകയാണ്. (dale steyn retired cricket)

’20 വർഷമായി മത്സരങ്ങളും പരിശീലനവും യാത്രകളും ജയാപജയങ്ങളും പരുക്ക് പറ്റിയ കാലുകളും സന്തോഷവുമൊക്കെയാണ്. ഒരുപാട് ഓർമ്മകളുണ്ട് പറയാൻ. ഒരുപാട് പേരോട് നന്ദി പറയാനുണ്ട്. ഞാൻ ഏറ്റവുമധികം സ്നേഹിക്കുന്ന ഗെയിമിൽ നിന്ന് ഞാൻ ഇന്ന് ഔദ്യോഗികമായി വിരമിക്കുകയാണ്. എല്ലാവർക്കും നന്ദി’- സ്റ്റെയിൻ ട്വീറ്റ് ചെയ്തു.

ക്രിക്കറ്റ് ചരിത്രത്തിലെ തന്നെ ഏറ്റവും മികച്ച പേസ് ബൗളർമാരിൽ ഒരാളാണ് സ്റ്റെയിൻ. 2008 മുതൽ 2014 വരെയുള്ള 263 ആഴ്ചക്കാലം അദ്ദേഹം ഐസിസി ടെസ്റ്റ് ബൗളർമാരുടെ റാങ്കിംഗിൽ ഒന്നാമതായിരുന്നു. ഐപിഎലിലും താരം കളിച്ചിട്ടുണ്ട്.

Story Highlight: dale steyn retired from cricket

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top