18
Sep 2021
Saturday

വിജയ് രൂപാണിയുടെ രാജി കൃത്യമായ കണക്കുകൂട്ടലിന്റെ ഭാഗമെന്ന് ജിഗ്നേഷ് മേവാനി

ഗുജറാത്ത് മുഖ്യമന്ത്രി വിജയ് രൂപാണിയുടെ രാജിയില്‍ പ്രതികരിച്ച് ജിഗ്നേഷ് മേവാനി എംഎല്‍എ. വിജയ് രൂപാണിയുടെ രാജി 2020 നിയമസഭാ തെരഞ്ഞെടുപ്പ് മുന്നില്‍ കണ്ടുള്ള കൃത്യമായ കണക്കുകൂട്ടലിന്റെ ഭാഗമെന്ന് ജിഗ്നേഷ് മേവാനി പറഞ്ഞു.

ട്വിറ്ററിലൂടെയായിരുന്നു ജിഗ്നേഷ് മേവാനിയുടെ പ്രതികരണം. പ്രതിസന്ധി കൈകാര്യം ചെയ്യുന്നതില്‍ പരാജയപ്പെട്ടപ്പോള്‍ തന്നെ വിജയ് രൂപാണി രാജിവച്ചിരുന്നെങ്കില്‍ ജനങ്ങള്‍ ആ തീരുമാനത്തെ രണ്ടു കയ്യും നീട്ടി സ്വീകരിക്കുമായിരുന്നെന്ന് ജിഗ്നേഷ് മേവാനി ട്വിറ്ററില്‍ പറഞ്ഞു.

ഇന്ന് ഉച്ചതിരിഞ്ഞാണ് വിജയ് രൂപാണിയുടെ അപ്രതീക്ഷിത രാജി പ്രഖ്യാപനം. വിജയ് രൂപാണി സര്‍ക്കാര്‍ ഗുജറാത്തില്‍ കൊവിഡ് കൈകാര്യം ചെയ്യുന്നതില്‍ വീഴ്ച വരുത്തിയെന്ന് വിമര്‍ശനങ്ങള്‍ ഉയര്‍ന്നിരുന്നു. വിജയ് രൂപാണിയുടെ രാജിയോടെ മുഖ്യമന്ത്രി സ്ഥാനത്തേക്ക് നിതിന്‍ പട്ടേല്‍, പാര്‍ത്ഥിപ് പട്ടേല്‍ ഉള്‍പ്പെടെയുള്ളവര്‍ പരിഗണനാ പട്ടികയിലുണ്ട്.

Story Highlight: Jignesh Mevani On Vijay Rupani Stunner

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top