28
Nov 2021
Sunday
Covid Updates

    ദസറ ആഘോഷത്തിലേക്ക് കാറിടിച്ചു കയറി; ഒരാൾ മരിച്ചു

    ചത്തിസ്ഗഢിലെ ജഷ്പൂരിൽ ദസറ ആഘോഷത്തിലേക്ക് കാറിടിച്ചു കയറി ഒരാൾ മരിച്ചു. 20 പേർക്ക് പരുക്കേറ്റു. നാലുപേരുടെ നില ഗുരുതരമാണ്. പരുക്കേറ്റവരെ പത്തൽഗാവ് സിവിൽ ആശുപത്രിയിൽ പ്രവേശിപ്പിച്ചു. മധ്യപ്രദേശ് നമ്പർ പ്ലേറ്റുള്ള ഒരു എസ്.യു.വിയാണ് ദുർഗ വിസാരചൻ ആഘോഷിക്കുകയായിരുന്ന ജനക്കൂട്ടത്തിലേക്ക് പാഞ്ഞു കയറിയത്.

    സംഭവത്തിന്റെ വിഡിയോ ട്വിറ്ററിൽ പ്രചരിക്കുന്നുണ്ട്. അപകടത്തിന് ശേഷം അടുത്തുള്ള സുഖ്രപാറയിലേക്കാണ് കാർ പോയത്. പ്രകോപിതരായ നാട്ടുകാർ വാഹനത്തിന് പിന്നാലെ ഓടി. പിന്നീട് ഉപേക്ഷിക്കപ്പെട്ട നിലയിൽ കാർ കണ്ടെത്തി. ജില്ലാ പൊലീസ് സൂപ്രണ്ടിന്റെ ഓഫീസ് പറയുന്നതനുസരിച്ച്, രണ്ട് പ്രതികളെ അറസ്റ്റ് ചെയ്യുകയും കുറ്റം ചുമത്തുകയും ചെയ്തിട്ടുണ്ട്. 21-കാരനായ ബബ്ലു വിശ്വകർമ്മയും 26-കാരനായ ശിശുപാൽ സാഹുവുമാണ് പിടിയിലായത്.

    സംഭവത്തിൽ ഛത്തീസ്ഗഡ് മുഖ്യമന്ത്രി ഭൂപേഷ് ബാഗേൽ ദുഃഖം രേഖപ്പെടുത്തി. അപകടത്തിൽ വിശദമായ അന്വേഷണത്തിന് ഉത്തരവിട്ടിട്ടുണ്ടെന്ന് അദ്ദേഹം പറഞ്ഞു.

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top