വീണ്ടും വനംകൊള്ള; പാലക്കാട്ട് മുറിച്ചിട്ട 53 മരങ്ങൾ വനം വകുപ്പ് കസ്റ്റഡിയിലെടുത്തു

പാലക്കാട് പാലക്കയത്ത് വൻ മരം കൊള്ള. വനഭൂമിയിൽ നിന്ന് സ്വകാര്യ വ്യക്തി 53 മരങ്ങൾ മുറിച്ചു. ഈട്ടി,ആഞ്ഞിലി,ചടച്ചി, വാക ഉൾപ്പെടെയുള്ള മരങ്ങളാണ് മുറിച്ച് കടത്തിയത്. മുറിച്ചിട്ട 53 മരങ്ങൾ വനം വകുപ്പ് കസ്റ്റഡിയിലെടുത്തു. കോട്ടോപാടം സ്വദേശി മൂസയെ ഒന്നാംപ്രതിയാക്കി വനം വകുപ്പ് കേസെടുക്കുകയും ചെയ്തു.

Read Also : സമ്പാദ്യമെല്ലാം ഉപയോഗിച്ച് തന്റെ ഗ്രാമത്തിനായി വിദ്യാലയം പണിതു; രാജ്യം പത്മശ്രീ നൽകി ആദരിച്ച ഒരു സാധാരണക്കാരന്റെ വിജയ കഥ…

ഭൂമി വനം വകുപ്പിന്റേതെന്ന് തെളിയിക്കുന്ന രേഖകൾ ഇല്ലെന്ന് മൂസ പറയുന്നു. തന്റെ ഭൂമിയിലെ മരങ്ങളാണ് മുറിച്ചതെന്ന് പ്രതിയാക്കപ്പെട്ട മൂസ അവകാശപ്പെട്ടു. മുറിച്ചത് പാലക്കയം വില്ലേജിലെ സർവേ നമ്പർ 2018/ 4 വനഭൂമിയിലെ മരങ്ങളാണെന്നാണ് വനം വകുപ്പ് കണ്ടെത്തിയിരിക്കുന്നത്.

Story Highlights : wood-hunt-forest-department-has-taken-into-custody-53-trees-felled-in-palakkad