ഷൊർണ്ണൂരിൽ ഭാര്യയെ ഭർത്താവ് തീകൊളുത്തി

പാലക്കാട് ഷൊർണ്ണൂരിൽ യുവതിയെ ഭർത്താവ് തീകൊളുത്തി. ഗുരുതരമായി പൊള്ളലേറ്റ കൂനുത്തുറ സ്വദേശി ലക്ഷ്മിയെ തൃശൂർ മെഡിക്കൽ കോളജിൽ പ്രവേശിപ്പിച്ചു. കുടുംബവഴക്കിനെ തുടർന്നാണ് തീകൊളുത്തിയത്. തീകൊളുത്തുന്നതിനിടയിൽ ഭർത്താവ് ഹേമചന്ദ്രനും പൊള്ളലേറ്റിരുന്നു. ഇയാളും ചികിത്സയിലാണ്.

Read Also : കോട്ടയം പാമ്പാടിയിൽ ബേക്കറിയിൽ തീപിടുത്തം

ഇന്നലെ രാത്രിയിലാണ് സംഭവമുണ്ടായത്. പൊലീസ് സംഭവത്തിൽ കേസെടുത്തിട്ടുണ്ട്. എന്നാൽ ഭർത്താവും ആശുപത്രിയിൽ ചികിത്സയിലായതുകൊണ്ട് മറ്റ് നടപടികളിലേക്ക് പൊലീസ് കടന്നിട്ടില്ല. പൊള്ളലേറ്റ ലക്ഷ്മിയുടെ പരിക്ക് ഗുരുതരമാണ്. ഇവരുടെ ആരോഗ്യനില മെച്ചപ്പെട്ടതിന് ശേഷമാകും പൊലീസ് മൊഴിയെടുക്കുക.

Story Highlights : wife set on fire by her husband