Advertisement

പാലക്കാട് 10 വയസുകാരനെ പീഡിപ്പിച്ച പ്രതിക്ക് 33 വര്‍ഷം തടവും രണ്ട് ലക്ഷം രൂപ പിഴയും

December 30, 2021
Google News 1 minute Read
pocso case

പാലക്കാട് ചാലിശ്ശേരിയില്‍ പത്തുവയസുകാരനെ ലൈംഗികമായി പീഡിപ്പിച്ച കേസില്‍ പ്രതിക്ക് മുപ്പത്തി മൂന്നര വര്‍ഷവും ആറ് മാസവും തടവ് ശിക്ഷ. പൊന്നാനി കൊല്ലംപടി സ്വദേശി ഹുസൈനെ (40)യാണ് കോടതി ശിക്ഷിച്ചത്. തടവ് ശിക്ഷയ്ക്കുപുറമേ രണ്ട് ലക്ഷം രൂപ പിഴയടക്കാനും കോടതി ഉത്തരവിട്ടു. പട്ടാമ്പി ഫാസ്റ്റ് ട്രാക്ക് കോടതിയുടേതാണ് നടപടി.

2019ലാണ് കേസിനാസ്പദമായ സംഭവം നടക്കുന്നത്. പീഡനത്തിനിരയായ കുട്ടിയുടെ അയല്‍വാസിയാണ് പ്രതി. വീട്ടിലേക്കു വിളിച്ചുവരുത്തിയും കുളക്കടവിലെത്തിച്ചും പല തവണ കുട്ടിയെ ഇയാള്‍ പീഡനത്തിന് ഇരയാക്കിയിരുന്നു. പൊലീസിന്റെ നേതൃത്വത്തില്‍ കുട്ടികള്‍ക്കായി നടത്തിയ കൗണ്‍സലിങിലാണ് പീഡന വിവരം വെളിപ്പെടുന്നത്. തുടര്‍ന്ന് പൊലീസ് കേസ് രജിസ്റ്റര്‍ ചെയ്ത് അന്വേഷണമാരംഭിക്കുകയായിരുന്നു.

Read Also : എസ്.രാജേന്ദ്രനെ പുറത്താക്കുന്ന കാര്യത്തില്‍ തീരുമാനമെടുത്തിട്ടില്ല; എം എം മണി

ഡിവൈഎസ്പി മുരളീധരന്‍, എസ്‌ഐ അനില്‍മാത്യു എന്നിവരുടെ നേതൃത്വത്തിലായിരുന്നു കേസന്വേഷണം പൂര്‍ത്തിയാക്കിയത്. അഡ്വ. നിഷ വിജയകുമാര്‍ പ്രോസിക്യൂഷന് വേണ്ടി ഹാജരായി.

Story Highlights : pocso case, palakkad

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here