വിൻഡീസ് പരമ്പര; ഈഡൻ ഗാർഡൻസിലെ ടി-20 മത്സരങ്ങൾക്ക് കാണികളെ അനുവദിക്കും

വെസ്റ്റ് ഇൻഡീസിനെതിരായ ടി-20 പരമ്പരയിൽ കാണികളെ അനുവദിക്കും. 75 ശതമാനം കാണികളെയാണ് ഈഡൻ ഗാർഡൻസിൽ അനുവദിക്കുക. വിവരം പശ്ചിമ ബംഗാൾ സർക്കാരും ബംഗാൾ ക്രിക്കറ്റ് അസോസിയേഷനും സ്ഥിരീകരിച്ചു. ഏകദിന മത്സരങ്ങൾ അടച്ചിട്ട സ്റ്റേഡിയങ്ങളിലാവും നടക്കുക. അഹ്മദാബാദിലെ നരേന്ദ്രമോദി സ്റ്റേഡിയത്തിലാണ് ഏകദിന മത്സരങ്ങൾ. (west indies india fans)

വെസ്റ്റ് ഇൻഡീസിനെതിരായ ഇന്ത്യൻ ടീമിൽ മൂന്ന് പുതുമുഖങ്ങളാണ് ഉൾപ്പെട്ടിരിക്കുന്നത്. യുവ ലെഗ് സ്പിന്നർ രവി ബിഷ്ണോയും പേസർ അവേഷ് ഖാനും ഓൾറൗണ്ടർ ദീപക് ഹൂഡയുമാണ് ടീമിലെ പുതുമുഖങ്ങൾ. ബിഷ്ണോയ് ഏകദിന, ടി-20 ടീമുകളിൽ ഇടംപിടിച്ചപ്പോൾ ഹൂഡയ്ക്ക് ഏകദിന ടീമിൽ സ്ഥാനം ലഭിച്ചു. അവേഷ് ഖാൻ ഏകദിന, ടി-20 ടീമുകളിൽ സ്ഥാനം നേടിയപ്പോൾ ഹർഷൽ പട്ടേൽ ടി-20 ടീമിലെ സ്ഥാനം നിലനിർത്തി. രോഹിത് ശർമ്മയാണ് ഇരു ടീമുകളുടെയും ക്യാപ്റ്റൻ. രോഹിതിനു കീഴിൽ ഇത് ആദ്യമായാണ് വിരാട് കോലി കളിക്കുക. മൂന്ന് വീതം ഏകദിന, ടി-20 മത്സരങ്ങൾ അടങ്ങിയ പരിമിത ഓവർ പരമ്പരകൾ അടുത്ത മാസം 6ന് ആരംഭിക്കും.

Read Also : വിൻഡീസ് പരമ്പര: ഇന്ത്യൻ ടീമിൽ മൂന്ന് പുതുമുഖങ്ങൾ; കുൽദീപ് മടങ്ങിയെത്തി

ഏകദിന ടീം :Rohit Sharma (C), KL Rahul (VC), Ruturaj Gaikwad, Shikhar Dhawan, Virat Kohli, Suryakumar Yadav, Shreyas Iyer, Deepak Hooda, Rishabh Pant (wicket-keeper), Deepak Chahar, Shardul Thakur, Yuzvendra Chahal, Kuldeep Yadav, Washington Sundar, Ravi Bishnoi, Mohammed Siraj, Prasidh Krishna, Avesh Khan

ടി-20 ടീം : Rohit Sharma (C), KL Rahul (VC), Ishan Kishan, Virat Kohli, Shreyas Iyer, Surya Kumar Yadav, Rishabh Pant (wicket-keeper), Venkatesh Iyer, Deepak Chahar, Shardul Thakur, Ravi Bishnoi, Axar Patel, Yuzvendra Chahal, Washington Sundar, Mohammed Siraj, Bhuvneshwar Kumar, Avesh Khan, Harshal Patel

Story Highlights : west indies india fans stadium