ചാനല് വിലക്ക്; മീഡിയവണ് സുപ്രിം കോടതിയില് കേസ് ഫയല് ചെയ്തു
ചാനലിന്റെ വിലക്കിനെതിരെ മീഡിയവണ് സുപ്രിം കോടതിയില് കേസ് ഫയല് ചെയ്തു. ഹൈക്കോടതി ഡിവിഷന് ബെഞ്ച്, വിലക്കിനെതിരായ ഹര്ജി തള്ളിയതോടെയാണ് സുപ്രീം കോടതിയെ സമീപിക്കാന് ചാനല് അധികൃതര് തീരുമാനിച്ചത്. സിംഗിള് ബെഞ്ച് വിധിക്കെതിരെ മാധ്യമം ബ്രോഡ്കാസ്റ്റിംഗ് ലിമിറ്റഡും കേരള പത്രപ്രവര്ത്തക യൂണിയനുമടക്കമുള്ളവര് നല്കിയ അപ്പീലാണ് ചീഫ് ജസ്റ്റിസ് എസ്. മണികുമാര്, ജസ്റ്റിസ് ഷാജി പി. ചാലി എന്നിവരടങ്ങുന്ന ബെഞ്ച് തള്ളിയത്.
Read Also :മീഡിയാ വണ് സംപ്രക്ഷണ വിലക്കിനെതിരായ ഹര്ജി തള്ളി ഹൈക്കോടതി
ഫെബ്രുവരി എട്ടിനാണ് സംപ്രേക്ഷണ വിലക്കേര്പ്പെടുത്തിയ സര്ക്കാര് നടപടി ശരിവച്ചു കൊണ്ട് മീഡിയാ വണ്ണിന്റെ ഹര്ജി സിംഗിള് ബഞ്ച് തള്ളിയത്. ലൈസന്സ് പുതുക്കാത്തതിനെ തുടര്ന്ന് സംപ്രേക്ഷണ വിലക്കേര്പ്പെടുത്തിയ കേന്ദ്രസര്ക്കാര് നടപടി ശരിവച്ച സിംഗിള് ബെഞ്ച് ഉത്തരവിനെതിരെയാണ് ചാനല് ഉടമകളും ജീവനക്കാരും പത്രപ്രവര്ത്തക യൂണിയനും അപ്പീല് നല്കിയിരുന്നത്. അപ്പീലില് ഫെബ്രുവരി 10 ന് വാദം പൂര്ത്തികരിച്ചിരുന്നു.
കേന്ദ്രസര്ക്കാര് നടപടി ശരിവെച്ച സിംഗിള് ബെഞ്ച് ഉത്തരവില് ഇടപെടേണ്ട സാഹചര്യമില്ലെന്നാണ് ഡിവിഷന് ബഞ്ച് വ്യക്തമാക്കിയത്. മീഡിയവണ്ണിന് വേണ്ടി സുപ്രിംകോടതിയിലെ മുതിര്ന്ന അഭിഭാഷകന് ദുഷ്യന്ത് ദവെയും കേന്ദ്ര സര്ക്കാരിന് വേണ്ടി അഡി. സോളിസിറ്റര് ജനറല് അമന് ലേഖിയും ഹാജരായാണ് വാദം നടത്തിയത്.
Story Highlights: Channel ban; MediaOne filed the case in the Supreme Court
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here