ഡൽഹിയിൽ 17 കാരിയെ മുൻ ഐബി ഉദ്യോഗസ്ഥൻ പീഡിപ്പിച്ചു

ദേശീയ തലസ്ഥാനത്തെ കരോൾ ബാഗിൽ പ്രായപൂർത്തിയാകാത്ത പെൺകുട്ടിയെ മുൻ ഇന്റലിജൻസ് ബ്യൂറോ ഉദ്യോഗസ്ഥൻ പീഡിപ്പിച്ചു. ജോലി നൽകാമെന്ന് പറഞ്ഞ് 60 കാരൻ 17 കാരിയെ പീഡിപ്പിക്കുകയായിരുന്നു. സംഭവത്തിന് ശേഷം പ്രതി ഒളിവിലാണ്. കൂടുതൽ അന്വേഷണം നടന്നുവരികയാണെന്നും ഡൽഹി പൊലീസ് അറിയിച്ചു.

ജോലി നൽകാമെന്ന് പറഞ്ഞ് പ്രതി പെൺകുട്ടിയെ കരോൾ ബാഗിലെ ഹോട്ടലിൽ വിളിച്ചു വരുത്തി. ഇവിടെ വെച്ച് പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്തു. പുറത്ത് പറയരുതെന്ന് ഭീഷണിപ്പെടുത്തി. വീട്ടിലെത്തിയ യുവതി കരോൾ ബാഗ് സ്റ്റേഷനിൽ പരാതി നൽകി. പിന്നാലെ പോക്‌സോ നിയമപ്രകാരവും മറ്റ് പ്രസക്തമായ വകുപ്പുകൾ പ്രകാരവും ഡൽഹി പൊലീസ് കേസെടുത്തു.

Story Highlights: delhi-minor-allegedly-raped-by-former-ib-officer-in-karol-bagh