Advertisement

‘പ്രഫുല്‍ ഖോഡ പട്ടേലിനെ ലഫ്.ഗവര്‍ണറാക്കാനാണോ ഒരുക്കം?’ ട്വീറ്റുമായി കേജ്രിവാള്‍

March 13, 2022
4 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ലക്ഷദ്വീപ് അഡ്മിനിസ്‌ട്രേറ്റര്‍ പ്രഫുല്‍ ഖോഡ പട്ടേലിനെ ഡല്‍ഹി ലഫ്.ഗവര്‍ണറായി നിയമിക്കാന്‍ കേന്ദ്രത്തിന് പദ്ധതിയുണ്ടോയെന്ന ട്വീറ്റുമായി ഡല്‍ഹി മുഖ്യമന്ത്രി അരവിന്ദ് കേജ്രിവാള്‍. ‘ലക്ഷദ്വീപ് അഡ്മിനിസ്‌ട്രേറ്റര്‍ പ്രഫുല്‍ പട്ടേലിനെ അടുത്ത ഡല്‍ഹി ലഫ്.ഗവര്‍ണറായി നിയമിക്കാനാണോ ഒരുക്കം?’ എന്ന് കേജ്രിവാള്‍ ട്വീറ്റ് ചെയ്തു. ലക്ഷദ്വീപില്‍ നടപ്പാക്കിയ ഭരണപരിഷ്‌കരണങ്ങളുടെ പേരില്‍ പ്രദേശവാസികളുടെ എതിര്‍പ്പ് നേരിടുകയാണ് പ്രഫുല്‍ പട്ടേല്‍. കേജ്രിവാളിന്റെ ട്വീറ്റ് സമൂഹമാധ്യമങ്ങളില്‍ ഏറെ ചര്‍ച്ചകള്‍ക്കു വഴിവച്ചു.

രാജ്യതലസ്ഥാനത്ത് നടക്കാനിരിക്കുന്ന നഗരസഭാ തെരഞ്ഞെടുപ്പിന് മുന്‍പായി പുതിയ ഗവര്‍ണറെ നിയമിക്കാന്‍ ഒരുങ്ങുകയാണ് കേന്ദ്രം. മാര്‍ച്ച് ഒന്‍പതിന് തെരഞ്ഞെടുപ്പ് തീയതി പ്രഖ്യാപിക്കാമെന്ന് ആദ്യം തെരഞ്ഞെടുപ്പ് കമ്മിഷന്‍ അറിയിച്ചെങ്കിലും കേന്ദ്ര സര്‍ക്കാര്‍ ഇടപെടലിനെ തുടര്‍ന്ന് തീരുമാനം മാറ്റി. നിലവില്‍ ഡല്‍ഹി ലഫ്.ഗവര്‍ണറായ അനില്‍ ബൈജല്‍ 2016ലാണ് പദവിയില്‍ നിയമിതനായത്.

Story Highlights: Kejriwal asks a question on Twitter on Praful Patel, leaves it at that

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement