കുവൈറ്റിൽ റമദാൻ നോമ്പ്‌ തുറ പരിപാടികൾക്ക് അനുമതി

കുവൈറ്റിൽ ഇത്തവണ റമദാൻ നോമ്പ്‌ തുറ പരിപാടികൾ നടത്തുന്നതിന് ആരോഗ്യ മന്ത്രാലയം അനുമതി നൽകി. കൊവിഡ്‌ വ്യാപനതോത് നിയന്ത്രണവിധേയമാകുകയും ആരോഗ്യസ്ഥിതി മെച്ചപ്പെടുകയും ചെയ്ത സാഹചര്യത്തിലാണ് നടപടി എന്ന് ആരോഗ്യ മന്ത്രാലയം വ്യക്തമാക്കി.

രണ്ട്‌ വർഷത്തെ ഇടവേളക്ക്‌ ശേഷമാണ് രാജ്യത്ത് നോമ്പുതുറ പരിപാടികൾ സംഘടിപ്പിക്കാൻ അനുമതി നൽകുന്നത്. ഏപ്രിൽ രണ്ട് മുതലായിരിക്കും രാജ്യത്ത് റമദാൻ വൃതം ആരംഭിക്കുക.

Read Also : ഫേസ്ഐഡിയ്ക്ക് ഇനി മാസ്കുകൾ തടസമല്ല; ഐഫോൺ അവതരിപ്പിക്കുന്ന പുതിയ ഫീച്ചർ…

റമദാൻ മാസം ആരംഭിക്കുന്നതിനു മുന്നോടിയായി അവശ്യവസ്തുക്കളുടെ വിലവർദ്ധനവ് തടയാൻ രാജ്യത്തെ വിവിധ വ്യാപാര സ്ഥാപനങ്ങളിൽ അധികൃതർ പരിശോധനകളും കർശനമാക്കിയിട്ടുണ്ട്.

Story Highlights: kuwait-ramadan-update-