‘മാഡം’ കാവ്യ മാധവന് എന്ന സംശയത്തില് ക്രൈംബ്രാഞ്ച്; ചോദ്യം ചെയ്യാന് നോട്ടീസ് നല്കും
നടിയെ ആക്രമിച്ച കേസില് കാവ്യ മാധവനെ ചോദ്യം ചെയ്യാന് ക്രൈംബ്രാഞ്ച് നോട്ടീസ് നല്കും. മൂന്ന് മാസത്തിനുള്ളില് തുടരന്വേഷണ റിപ്പോര്ട്ട് സമര്പ്പിക്കാമെന്ന് ക്രൈംബ്രാഞ്ച് കോടതിയെ അറിയിച്ചതിന് പിന്നാലെയാണ് കാവ്യയെ ചോദ്യം ചെയ്യാന് നോട്ടീസ് നല്കുന്നത്. കേസിലെ മുഖ്യപ്രതി പള്സര് സുനിയും വധഗൂഢാലോചന കേസിലെ സാക്ഷി ബാലചന്ദ്രകുമാറും പറയുന്ന മാഡം കാവ്യ മാധവന് ആണെന്നാണ് ക്രൈംബ്രാഞ്ചിന്റെ സംശയം. കേസില് കാവ്യയെ ചോദ്യം ചെയ്യണമെന്ന് കാണിച്ച് കോടതിയില് കഴിഞ്ഞ ദിവസം ക്രൈംബ്രാഞ്ച് റിപ്പോര്ട്ട് സമര്പ്പിച്ചിരുന്നു. നിലവില് കാവ്യ മാധവന് സംസ്ഥാനത്തിന് പുറത്താണെന്നാണ് വിവരം. (crime branch will question kavya madhavan)
അനൂപിന്റെയും സുരാജിന്റെയും ചോദ്യം ചെയ്യലിന് ശേഷമാകും കാവ്യാമാധവനെ ചോദ്യം ചെയ്യുക. കേസിന്റെ തുടരന്വേഷണ റിപ്പോര്ട്ട് ഏപ്രില് 15 ന് സമര്പ്പിക്കാനാണ് കോടതി നിര്ദേശം. എന്നാല് അന്തിമ റിപ്പോര്ട്ട് സമര്പ്പിക്കാന് ഇനിയും സമയം വേണമെന്ന നിലപാടിലാണ് ക്രൈംബ്രാഞ്ച്. അന്വേഷണ പുരോഗതി റിപ്പോര്ട്ട് സമര്പ്പിച്ച് തുടരന്വേഷണത്തിന് കൂടുതല് സമയം തേടാനാണ് തീരുമാനം. അതിനിടെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഡാലോചന നടത്തിയ കേസില് തിരിച്ചെടുക്കാന് കഴിയാത്ത വിധം ഫോണ് രേഖകള് ദിലീപ് നശിപ്പിച്ചുവെന്ന് ക്രൈംബ്രാഞ്ച്ര് കണ്ടെത്തി.
കേസില് അതിജീവിതയുടെ പരാതിയില് ദിലീപിന്റെ അഭിഭാഷകരോട് വിശദീകരണം തേടാന് ബാര് കൗണ്സില് തീരുമാനിച്ചിട്ടുണ്ട്. നാളെത്തന്നെ മറുപടി ആവശ്യപ്പെട്ട് നോട്ടീസ് അയയ്ക്കും. മറുപടി കിട്ടിയ ശേഷമായിരിക്കും തുടര് നടപടികള്.
Story Highlights: crime branch will question kavya madhavan
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here