സംസ്ഥാനത്ത് ലഭിക്കുന്നത് നാലിരട്ടി മഴ; ഏപ്രില്‍ 6 മുതല്‍ 12 വരെ ലഭിച്ചത് 101.8mm മഴ

സംസ്ഥാനത്ത് ഇപ്പോള്‍ ലഭിക്കുന്നത് സാധാരണ സാഹചര്യത്തെ അപേക്ഷിച്ച് നാലിരട്ടി മഴ. ഏപ്രില്‍ 6 മുതല്‍ 12 വരെ സംസ്ഥാനത്ത് ലഭിച്ചത് 101.8 mm മഴയാണ്. സാധാരണ ഈ കാലയളവില്‍ ലഭിക്കേണ്ടത് 25.33 mm മഴയാണ്. ഏപ്രില്‍ മാസം മുഴുവന്‍ ശരാശരി സംസ്ഥാനത്ത് ലഭിച്ച് വന്നിരുന്നത് 105.1 mm മഴയാണ്. എന്നാല്‍ ഏപ്രില്‍ മാസത്തിലെ ആദ്യ 12 ദിവസം ലഭിച്ചത് 117.6 mm മഴയാണ്. (rain alert kerala)

തെക്കന്‍ തമിഴ്‌നാടിന്റെ തീരദേശത്തിന് മുകളില്‍ നിലനിന്നിരുന്ന ചക്രവാതച്ചുഴി തെക്ക് കിഴക്കന്‍ അറബികടലില്‍ പ്രവേശിച്ചതിനാല്‍ മഴ ഇനിയും കനക്കാന്‍ സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്‍. അടുത്ത 5 ദിവസം ഇടി മിന്നലൊടു കൂടിയ വ്യാപകമായ മഴക്ക് സാധ്യതയുണ്ടെന്ന് കാലാവസ്ഥ കേന്ദ്രം അറിയിച്ചു. ഇന്ന് ഒറ്റപ്പെട്ട അതി ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. നാളെയും മഴ തുടരും.

Read Also : ലൗ ജിഹാദ് വിവാദത്തിന് പിന്നില്‍ യുഡിഎഫിന്റെ ആസൂത്രിത നീക്കമെന്ന് ജോര്‍ജ് എം തോമസ്; സിപിഐഎം വിശദീകരണം യോഗം തുടങ്ങി

ഏഴ് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. തിരുവനന്തപുരം മുതല്‍ ഇടുക്കി വരെയുള്ള ജില്ലകളിലാണ് യെല്ലോ മുന്നറിയിപ്പുള്ളത്.

അടുത്ത ദിവസങ്ങളിലും കേരളത്തില്‍ ഒറ്റപ്പെട്ടയിടങ്ങളില്‍ കനത്ത മഴയുണ്ടാകും. മഴയ്‌ക്കൊപ്പം ഇടിമിന്നലിനും 40 കിലോമീറ്റര്‍ വരെ വേഗതയില്‍ കാറ്റിനും സാധ്യതയുണ്ട്. വെള്ളിയാഴ്ച വരെ ശക്തമായ മഴ തുടരാനാണ് സാധ്യത.

കടല്‍ പ്രക്ഷുബ്ധമാകാനും മോശം കാലാവസ്ഥയ്ക്കും സാധ്യതയുള്ളതിനാല്‍ കേരള തീരത്ത് മത്സ്യത്തൊഴിലാളികള്‍ കടലില്‍ പോകരുത്. ബംഗാള്‍ ഉള്‍ക്കടലില്‍ ചക്രവാതച്ചുഴി നിലനില്‍ക്കുന്നതാണ് മഴയ്ക്ക് കരണം.

Story Highlights: rain alert kerala