അന്താരാഷ്ട്ര സമാധാനം ഉറപ്പാക്കണമെന്ന് ഇന്ത്യയും സൗദിയും; വിദേശകാര്യമന്ത്രിമാർ ചർച്ച നടത്തി

ഇന്ത്യൻ വിദേശകാര്യ മന്ത്രി എസ്​. ജയശങ്കറും സൗദി വിദേശകാര്യ മന്ത്രി അമീർ ഫൈസൽ ബിൻ ഫർഹാനും വ്യാഴാഴ്ച ടെലിഫോൺ വഴി ചർച്ച നടത്തി. അന്താരാഷ്ട്ര സമാധാനം ശക്തിപ്പെടുത്താൻ​ കൂടുതൽ ശ്രമങ്ങളുണ്ടാവണമെന്ന് ഇരുരാജ്യങ്ങളും അഭിപ്രായപ്പെട്ടു.

Read Also: സൗദിയില്‍ പതിനായിരത്തിലധികം നിയമ ലംഘകര്‍ പിടിയിൽ

ഇന്ത്യയും സൗദിയും തമ്മിലുള്ള ആരോ​ഗ്യകരമായ ബന്ധം പ്രതിരോധ സഹകരണമുൾപ്പടെയുള്ള മേഖലകളിലേക്ക്​ കടന്നിരിക്കെ ഇരു മന്ത്രിമാരുടേയും ചർച്ചയ്ക്ക് വലിയ പ്രാധാന്യമുണ്ട്. സൗദിയും ഇന്ത്യയും തമ്മിലുള്ള പ്രതിരോധബന്ധം ശക്തമാക്കുന്നതിന്റെ ഭാഗമായി ഇന്ത്യൻ നാവികസേനയുടെ യുദ്ധക്കപ്പലുകൾ കഴിഞ്ഞദിവസങ്ങളിൽ സൗദി തീരത്തെത്തിയിരുന്നു. ഇരുരാജ്യങ്ങളുടെയും സംയുക്ത സൈനിക പരിശീലനത്തിനായാണ്​ കപ്പലുകൾ ജിദ്ദ തുറമുഖത്ത്​ വന്നത്​.

ഇന്ത്യയുടെ പ്രഥമ പരിശീലന സ്ക്വാഡ്രൺ – ഐ.എൻ.സ്​ തിർ, ഐ.എൻ.എസ്​ സുജാത എന്നിവയും ഇന്ത്യൻ കോസ്റ്റ് ഗാർഡ് കപ്പൽ സാരഥിയുമാണ്​ ഈ മാസം​ അഞ്ചിന് സൗദിയുടെ പശ്ചിമ തീരമായ ജിദ്ദ തുറമുഖത്ത്​ വന്നത്.

Story Highlights: India, Saudi Arabia to ensure international peace