തൃക്കാക്കര പിടിക്കാന്‍ ആഞ്ഞുതുഴഞ്ഞ് മുന്നണികള്‍; കെ വി തോമസ് ഇന്ന് ജോ ജോസഫിന് വേണ്ടി പ്രചാരണത്തിനിറങ്ങും
മുഖ്യമന്ത്രി പിണറായി വിജയന്‍ കൂടി എത്തിയതോടെ തൃക്കാക്കരയില്‍ ഇടത് ക്യാമ്പ് പൂര്‍ണ സജ്ജമാണ്. കെ വി തോമസ് ഇന്ന് എല്‍ഡിഎഫ് സ്ഥാനാര്‍ഥിക്കുവേണ്ടി പ്രചാരണത്തിന് ഇറങ്ങും. തെരഞ്ഞെടുപ്പ് കണ്‍വെന്‍ഷനുകളിലാണ് എന്‍ഡിഎയും യുഡിഎഫും ശ്രദ്ധ കേന്ദ്രീകരിക്കുന്നത്.
രാവിലെ ഏഴു മണിക്കാണ് ഇടതു സ്ഥാനാര്‍ഥി ഡോ.ജോ ജോസഫിന്റെ പ്രചാരണമാരംഭിക്കുക. വീട് കയറി വോട്ട് പിടിക്കാന്‍ ജോയ്‌ക്കൊപ്പം തോമസ് മാഷുമുണ്ടാകും. സഭാ വോട്ടുകള്‍ ഉറപ്പിക്കാനുള്ള ഉത്തരവാദിത്തവും കെ വി തോമസിന് തന്നെ.
ആരും കൂടെയില്ലെന്നു ആവര്‍ത്തിക്കുമ്പോഴും ഇടത് ക്യാമ്പിലെ മുതിര്‍ന്ന കോണ്‍ഗ്രസ് നേതാവിന്റെ സാന്നിധ്യം ഉമാ തോമസിന് ആശങ്കയാണ്. അത് മറിക്കടക്കാന്‍ പരമാവധി വോട്ടര്‍മാരിലേക്ക് ഇറങ്ങുകയാണ് ലക്ഷ്യം. രാഹുല്‍ ഗാന്ധിയെ പ്രചാരണത്തിന് എത്തിക്കാനും നീക്കമുണ്ട്.
Read Also: കെവി തോമസിനെതിരെ പ്രതിഷേധം; കുമ്പളങ്ങി പാർട്ടി ഓഫീസിലെ ചിത്രം നീക്കി
അതേസമയം സ്ഥാനാര്‍ത്ഥി പ്രഖ്യാപനത്തിന് ശേഷം എന്‍ഡിഎയുടെ ആദ്യ തെരഞ്ഞെടുപ്പ് കണ്‍വെന്‍ഷന്‍ ഇന്ന് നടക്കും. വികസനത്തിനൊപ്പം, ദേശീയ രാഷ്ട്രീയം കൂടി ഉയര്‍ത്തിപ്പിടിച്ചാണ് ബിജെപിയുടെ പ്രചാരണം. വരും ദിവസങ്ങളില്‍ കേന്ദ്രമന്ത്രിമാരും തൃക്കാക്കരയില്‍ പ്രചാരണത്തിന് എത്തും.
Story Highlights: KV Thomas will be campaigning for Joe Joseph today
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
